வரலாற்றை மாற்றி அமைத்த தென்ஆப்பிரிக்கா: 27 வருடத்திற்குப் பிறகு ஐசிசி டிராபியை வென்று சாதனை..!

உலக கிரிக்கெட்டில் சிறந்த ஆட்டத்தை வெளிப்படுத்தும் அணிகளில் ஒன்று தென்ஆப்பிரிக்கா. ஐசிசி டிராபியில் சிறப்பாக விளையாடி வரும். ஆனால் கடைசி கட்ட சொதப்பல் அல்லது மழை போன்ற காரணத்தால் தோல்வியை தழுவி ஏமாற்றம் அடையும்.

இதனால் ஐசிசி நடத்தும் தொடர்களில் சாம்பியன் பட்டம் வெல்ல முடியாமல் திணறி வந்தது. கடந்த 1998-ஆம் ஆண்டு ஐசிசி சாம்பியன்ஸ் டிராபியை வென்றது. சாம்பியன்ஸ் டிராபியில் குறிப்பிட்ட அணிகள் மட்டுமே விளையாடுவதால், அது மிகப்பெரிய அளவில் எடுத்துக் கொள்ளுவதில்லை.

இதனால் தென்ஆப்பிரிக்கா ஐசிசி டிராபியை வெல்ல முடியாமல் திணறி வந்தது. இந்த நிலையில்தான் 27 வருடத்திற்குப் பிறகு ஐசிசி டெஸ்ட் சாம்பியன்ஷிப் இறுதிப் போட்டியில் ஆஸ்திரேலியாவை எதிர்த்து விளையாடியது. இதில் 5 விக்கெட் வித்தியாசத்தில் வெற்றி பெற்று, 27 வருடத்திற்குப் பிறகு ஐசிசி உலக டெஸ்ட் சாம்பியன் ஆகியுள்ளது.

டெம்பா தலைமையில் தென்ஆப்பிரிக்கா அணி தோல்வி அடையாமல் இந்த சாதனையைப் படைத்துள்ளது.