அணியை சரிவில் இருந்து மீட்ட வாஷிங்டன் சுந்தர், தாகூருக்கு விராட் கோலி பாராட்டு

புதுடெல்லி:

ஆஸ்திரேலியாவுக்கு எதிரான 4-வது டெஸ்ட் போட்டியில் 7-வது விக்கெட்டான வாஷிங்டன் சுந்தரும், ஷர்துல் தாகூரும் இந்திய அணியை சரிவில் இருந்து மீட்டனர். இருவரும் இணைந்து 123 ரன்கள் எடுத்தனர். 

முதல் டெஸ்ட் போட்டிக்கு பிறகு நாடு திரும்பிய இந்திய அணி கேப்டன் விராட் கோலி இருவரது ஆட்டத்தையும் பாராட்டி உள்ளார். இது தொடர்பாக அவர் தனது டுவிட்டர் பதிவில் கூறியதாவது:-

வாஷிங்டன் சுந்தரும், ஷர்துல் தாகூரும் களத்தில் அபாரமான பங்களிப்பை வெளிப்படுத்தினர். டெஸ்ட் கிரிக்கெட்டின் சிறப்பான ஆட்டம் இதுவாகும். 

நிதானமாக ஆடிய சுந்தருக்கும், தாகூருக்கும் என்னுடைய வாழ்த்துக்களை தெரிவிக்கிறேன். 

இவ்வாறு அதில் கூறியுள்ளார்.