என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
கடினமான சூழ்நிலையில் விராட் கோலியை விட கேன் வில்லியம்சன் சிறந்த பேட்ஸ்மேன்: டர்னர்
Byமாலை மலர்15 July 2020 1:19 PM GMT (Updated: 15 July 2020 1:19 PM GMT)
இந்திய அணி கேப்டன் விராட் கோலியை விட கடினமான சூழ்நிலையில் கேன் வில்லியம்சன்தான் சிறந்த பேட்ஸ்மேன் என்று கிளென் டர்னர் தெரிவித்துள்ளார்.
கிரிக்கெட்டில் இந்த காலக்கட்டத்தில் இந்திய அணி கேப்டன் விராட் கோலி, இங்கிலாந்து டெஸ்ட் அணி கேப்டன் ஜோ ரூட், நியூசிலாந்து கேப்டன் கேன் வில்லியம்சன், ஆஸ்திரேலிய அணி நட்சத்திர வீரர் ஸ்டீவ் ஆகியோர் தலைசிறந்த வீரர்களாக கருதப்படுகிறார்கள்.
இதில் இந்திய அணி கேப்டன் விராட் கோலி மூன்று வடிவிலான கிரிக்கெட்டிலும் அபாரமான ஆட்டத்தை வெளிப்படுத்தி வருகிறார். சர்வதேச கிரிக்கெட்டில் 21 ஆயிரம் ரன்களுக்கு மேல் அடித்துள்ள விராட் கோலி, 70 சதங்கள் அடித்துள்ளார். மூன்று வகை கிரிக்கெட்டிலும் 50-க்கு மேல் சராசரி வைத்துள்ளார்.
இவருக்கும் ஸ்மித்திற்கும் இடையில் கடும்போட்டி நிலவி வருகிறது. இந்நிலையில் கடினமான சூழ்நிலையில் விராட் கோலியை விட கேன் வில்லியம்சன்தான் சிறந்த பேட்ஸ்மேன் என்று நியூசிலாந்து அணியின் முன்னாள் பேட்டிங் ஜாம்பவான் கிளென் டர்னர் தெரிவித்துள்ளார்.
விராட் கோலி மற்றும் கேன் வில்லியம்சன் குறித்து டர்னர் கூறுகையில் ‘‘திறமையான பேட்ஸ்மேன்களுக்கு இடையிலான குறிப்பிடத்தக்க வேறுபாடுகள் அவர்கள் எந்த சூழ்நிலையில் விளையாடுகிறார்கள், அவர்களுடைய ஆளுமையுடன் அவர்கள் வளர்ந்து வந்த விதம் ஆகியவற்றுடன் உருவாக்கப்படுகின்றன.
பந்து சீம் ஆகும் ஆடுகளத்திலும், பந்து நீண்ட நேரம் ஸ்விங் ஆகும் நேரத்திலும் விராட் கோலி தொடக்கத்தில் சிறப்பாக ஆட்டத்தை வெளிப்படுத்துவது கொஞ்சம் குறைவுதான். ஆனால், இதுபோன்ற ஆடுகளத்தில் கேன் வில்லியம்சன் விளையாடியுள்ளதால் அவருக்கு அனுபவம் இருக்கும்.
கோலி டர்ன் ஆகும் போன்ற ஆடுகளத்தில் சுழற்பந்து வீச்சை விளையாடுவதில் சிறப்பானவர். ஸ்விங் மற்றும் சீம் குறைவாக உள்ள சூழ்நிலை அவரை அதிரடி வீரரமாக மாற்ற அதிக வாய்ப்பு அளிக்கும்.
கேன் வி்ல்லியம்சனை காட்டிலும் விராட் கோலி இயற்கையாகவே அதிரடியாக ஆடம் பழக்கத்தை கொண்டவர். ஆனால் இருவரின் ஆட்டமும் வெற்றியை குறைப்பதாக இருக்காது. இருவரின் நோக்கமும் வெற்றி பெற வேண்டும் என்பதுதான்.
பேட்டிங் செய்ய மிகவும் கடினமான சூழ்நிலையில் விராட் கோலியை விட கேன் வில்லியம்சன்தான் சிறந்த பேட்ஸ்மேன். பேட்டிங் செய்ய சிறந்த கண்டிசனில், விராட் கோலி அதிகமாக ஆதிக்கம் செலுத்துவார். இதனால் அவருடைய அணிக்கு அதிகமான நேரங்களில் வெற்றி கிடைத்துள்ளது’’ என்றார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X