search icon
என் மலர்tooltip icon

    செய்திகள்

    கம்பீர் - ரோகித்
    X
    கம்பீர் - ரோகித்

    ஐ.பி.எல். கிரிக்கெட்டின் சிறந்த கேப்டன் ரோகித் சர்மா - கம்பீர் கருத்து

    ஐ.பி.எல். கிரிக்கெட் வரலாற்றில் சிறந்த கேப்டன் ரோகித் சர்மா தான் என்று இந்திய கிரிக்கெட் அணியின் முன்னாள் பேட்ஸ்மேனும், டெல்லி எம்.பி.யுமான கவுதம் கம்பீர் தெரிவித்துள்ளார்.
    புதுடெல்லி:

    இந்திய கிரிக்கெட் அணியின் முன்னாள் பேட்ஸ்மேனும், டெல்லி எம்.பி.யுமான கவுதம் கம்பீர் அளித்த ஒரு பேட்டியில் கூறியதாவது:-

    ஐ.பி.எல். கிரிக்கெட் வரலாற்றில் சிறந்த கேப்டன் யார் என்றால் அது ரோகித் சர்மா தான். அவரது தலைமையில் மும்பை இந்தியன்ஸ் அணி 4 முறை சாம்பியன் பட்டத்தை கைப்பற்றியுள்ளது. கோப்பையை வெல்வதில் தான் கேப்டன்ஷிப் திறமை இருக்கிறது. இறுதியில் அவரே ஐ.பி.எல். போட்டியின் மிகவும் வெற்றிகரமான கேப்டனாக இருப்பார். ஏற்கனவே 4 கோப்பைகளை வென்று இருக்கிறார். ஐ.பி.எல். வாழ்க்கையை நிறைவு செய்யும் போது தனது கேப்டன்ஷிப்பில் ரோகித் சர்மா 6 அல்லது 7 பட்டங்கள் வென்று இருக்கக்கூடும்.

    இவ்வாறு கம்பீர் கூறினார். ஐ.பி.எல். கிரிக்கெட்டில் கம்பீர் தலைமையில் கொல்கத்தா நைட் ரைடர்ஸ் அணி 2 முறை மகுடம் சூடியிருப்பது குறிப்பிடத்தக்கது.
    Next Story
    ×