ரகானே ஆட்டம் டெய்ல்-எண்டர் பேட்ஸ்மேன் போன்று இருந்தது: ஹர்பஜன் சிங் கடும்தாக்கு

நியூசிலாந்து - இந்தியா இடையிலான 2-வது டெஸ்ட் போட்டி கிறிஸ்ட்சர்ச்சில் நடைபெற்று வருகிறது. 2-வது இன்னிங்சில் 90 ரன்கள் சேர்ப்பதற்குள் இந்தியா 6 விக்கெட்டுகளை இழந்து திணறி வருகிறது.

குறிப்பாக ரகானே ஜாமிசன் மற்றும் நீல் வாக்னரின் பவுன்சர்களை தாக்குப்பிடிக்க முடியாமல் திணறினார். இரண்டு முறை ஹெல்மட்டில் அடி வாங்கிய ரகானே, 9 ரன்கள் எடுத்த நிலையில் வாக்னர் பந்தில் போல்டானார்.

ரகானே ஆட்டத்தை பார்க்கும்போது டெய்ல்-எண்டர் பேட்ஸ்மேன் ஆட்டம் போன்று இருந்தது என ஹர்பஜன் சிங் தெரிவித்துள்ளார்.

இதுகுறித்து ஹர்பஜன் சிங் கூறுகையில் ‘‘ரகானே டெய்ல்-எண்டர் போன்று விளையாடினார். டாப்-ஆர்டர் பேட்ஸ்மேன் போன்று விளையாடவில்லை. இது ரகானேயின் மிகவும் மோசமான இன்னிங்ஸ். வாக்னர் அவருக்கு பந்து வீசும்போது, கடைநிலை பேட்ஸ்மேன் எதிமுனையில் நின்றது போல் இருந்தது’’ என்றார்.