இந்தியா - இலங்கை அணிகளுக்கு இடையிலான 2-வது டி20 கிரிக்கெட் போட்டி இந்தூரில் நேற்ற நடைபெற்றது. இதில் தொடக்க வீரர் கேஎல் ராகுல் 32 பந்தில் 45 ரன்கள் அடித்தார். அரைசதத்தை தவற விட்டாலும் சில ஷாட்டுகள் நம்ப முடியாத வகையில் இருந்தது.
இந்நிலையில் இவரது ஆட்டத்தை மிகவும் அதிக அளவில் கவுதம் காம்பிர் பாராட்டியுள்ளார். அவரால் டெஸ்ட் போட்டியில் 50 பந்தில் 100 ரன்கள் அடிக்க முடியும் என்று தெரிவித்துள்ளார்.
கேஎல் ராகுல் குறித்து கவுதம் காம்பிர் கூறுகையில் ‘‘கேஎல் ராகுல் நம்பமுடியாத வகையில் சிறந்த ஃபார்மில் உள்ளார். ஒவ்வொரு முறையும் அவரது பேட்டிங்கை பார்க்கும்போது, டெஸ்ட் போட்டியில் ஏன் இப்படி விளையாடவில்லை என்பது எனக்கு ஆச்சர்யமாக இருக்கும்.
இதுபோன்று அற்புதமான ஷாட்டுகள் விளையாடியதை வைத்து பார்க்கும்போது டெஸ்ட் போட்டியில் கூட அவரால் 50 பந்தில் 100 ரன்கள் அடிக்க முடியும். அவர் அடித்த சில ஷாட்டுகள் அற்புதமானது.
ஐபிஎல்-ஐ சர்வதேச போட்டிகளுடன் ஒப்பிட முடியாது. டெல்லி கேப்பிட்டல்ஸ் அணிக்காக விளையாடும்போது, உங்களுடைய இடத்திற்காக யாரும் காத்திருக்க வில்லை என்பது உங்களுக்கு தெரியும். ஆனால் நாட்டிற்காக விளையாடும்போது, யாராவது ஒருவர் உங்கள் இடத்திற்காக இருப்பார்கள். ஆகவே நெருக்கடி இருந்து கொண்டே இருக்கும். தற்போது யார் சூப்பர் ஃபார்மில் உள்ளார் என்பதை இந்த ஆட்டம் வெளிப்படுத்தியுள்ளது. கேஎல் ராகுல் மாறுபட்ட வீரர்’’ என்றார்.
