இந்தியா - வெஸ்ட் இண்டீஸ் அணிகளுக்கு இடையில் டி20 மற்றும் ஒருநாள் கிரிக்கெட் தொடர் நடைபெற இருக்கிறது.
டி20 கிரிக்கெட் தொடர் டிசம்பர் 6-ந்தேதியில் இருந்து டிசம்பர் 11-ந்தேதி வரை நடக்கிறது. ஒருநாள் கிரிக்கெட் தொடர் டிசம்பர் 15-ந்தேதியில் இருந்து டிசம்பர் 22-ந்தேதி வரை நடக்கிறது.
இதற்கான இந்திய அணி இன்று அறிவிக்கப்பட்டது. துணைக் கேப்டன் ரோகித் சர்மாவுக்கு ஓய்வு கொடுக்கப்படலாம் என எதிர்பார்க்கப்பட்டது. ஆனால், அவர் அணியில் இடம் பிடித்துள்ளார்.
காயத்தால் விளையாடாமல் இருந்து புவனேஷ்வர் குமார் ஒருநாள் மற்றும் டி20 கிரிக்கெட் கிரிக்கெட் தொடருக்கான அணியில் சேர்க்கப்பட்டுள்ளார்.
முகமது ஷமி டி20 கிரிக்கெட் தொடருக்கான அணியில் சேர்க்கப்பட்டுள்ளார். வங்காளதேச தொடருக்கான அணியில் சேர்க்கப்பட்டிருந்த சஞ்சு சாம்சன் நீக்கப்பட்டுள்ளார். அதேபோல் குருணால் பாண்டியா நீக்கப்பட்டுள்ளார்.
வேகப்பந்து வீச்சு ஆல்-ரவுண்டர் ஷிவம் டுபே இரண்டு தொடர்களுக்கான அணியில் இடம் பிடித்துள்ளார்.
டி20 தொடருக்கான இந்திய அணியில் இடம் பிடித்துள்ள வீரர்கள் விவரம்:-
1. விராட் கோலி, 2. ரோகித் சர்மா, 3. ஷிகர் தவான், 4. கே.எல். ராகுல், 5. ஷ்ரேயாஸ் அய்யர், 6. மணிஷ் பாண்டே, 7. ரிஷப் பந்த், 8. ஷிவம் டுபே, 9. வாஷிங்டன் சுந்தர், 10. ஜடேஜா, 11. சாஹல், 12. குல்தீப் யாதவ், 13. தீபக் சாஹர், 14. முகமது ஷமி, 15. புவனேஷ்வர் குமார்.
ஒருநாள் தொடருக்கான இந்திய அணியில் இடம் பிடித்துள்ள வீரர்கள் விவரம்:-
1. விராட் கோலி, 2. ரோகித் சர்மா, 3. ஷிகர் தவான், 4. கே.எல். ராகுல், 5. ஷ்ரேயாஸ் அய்யர், 6. மணிஷ் பாண்டே, 7. ரிஷப் பந்த் (விக்கெட் கீப்பர்), 8. ஷிவம் டுபே, 9. கேதர் ஜாதவ், 10. ஜடேஜா, 11. சாஹல், 12. குல்தீப் யாதவ், 13. தீபக் சாஹர், 14. முகமது ஷமி, 15. புவனேஷ்வர் குமார்.
