நியூசிலாந்துக்கு எதிரான நேற்று நடந்த 3-வது ஒருநாள் போட்டியில் இந்திய கேப்டன் விராட் கோலி அபாரமாக விளையாடி 60 ரன் எடுத்தார்.
இதன்மூலம் அவர் வெற்றிகரமான சேசிங்கில் 5 ஆயிரம் ரன்னை தொட்டார். 80 இன்னிங்சில் அவர் 5004 ரன்னை எடுத்தார். சராசரி 96.23 ஆகும். இதில் 21 சதமும், 20 அரைசதமும் அடங்கும்.
இந்த ரன்னை எடுத்த 2-வது வீரர் என்ற பெருமையை கோலி பெற்றார். தெண்டுல்கர் 5490 ரன் எடுத்து முதல் இடத்தில் உள்ளார்.
கோலி கேப்டன் பதவியில் வெற்றிகரமாக ரன் சேசிங்கில் 2050 ரன் (27 இன்னிங்ஸ்) எடுத்துள்ளார்.
வெற்றிகரமான ரன் சேசிங்கில் அதிக ரன் எடுத்த ‘டாப் 5’ வீரர்கள் வருமாறு:-
1. தெண்டுல்கர் (இந்தியா) 5490 ரன் (124 இன்னிங்ஸ்)- சராசரி 55.45.
2. விராட் கோலி (இந்தியா) 5004 ரன் (80 இன்னிங்ஸ்)- சராசரி 96.23.
3. ரிக்கி பாண்டிங் (ஆஸ்திரேலியா) 4186 ரன் (104 இன்னிங்ஸ்) -சராசரி 57.34.
4. காலிஸ் (தென் ஆப்பிரிக்கா) 3950 ரன் (100 இன்னிங்ஸ்)- சராசரி 56.42.
5. ஆடம் கில்கிறிஸ்ட் (ஆஸ்திரேலியா) 3750 ரன் (90 இன்னிங்ஸ்)- சராசரி 46.87. #ViratKohli
