பிக்பாஷ் டி20 லீக்: சிட்னி தண்டரை 20 ரன்னில் வீழ்த்தியது அடிலெய்டு ஸ்ட்ரைக்கர்ஸ்

ஆஸ்திரேலியாவில் பிக்பாஷ் டி20 லீக் தொடர் நடைபெற்று வருகிறது. இன்று நடைபெற்ற ஆட்டத்தில் சிட்னி தண்டர் - அடிலெய்டு ஸ்ட்ரைக்கர்ஸ் அணிகள் மோதின.

டாஸ் வென்ற அடிலெய்டு பேட்டிங் தேர்வு செய்தது. தொடக்க வீரர் கேரி 40 பந்தில் 59 ரன்களும், கேப்டன் இன்கிராம் 43 பந்தில் 75 ரன்களும் விளாச அடிலெய்டு 20 ஓவரில் 4 விக்கெட் இழப்பிற்கு 175 ரன்கள் குவித்தது. பின்னர் 176 ரன்கள் அடித்தால் வெற்றி என்ற இலக்குடன் சிட்னி தண்டர் அணி களம் இறங்கியது.

வாட்சன் (28), பட்லர் (23), பெர்குசன் (47), ஜோ ரூட் (18) ரன்களில் வெளியேற சிட்னி தண்டர் அணியால் 20 ஓவரில் 6 விக்கெட் இழப்பிற்கு 155 ரன்கள் மட்டுமே எடுத்தது. இதனால் அடிலெய்டு ஸ்ட்ரைக்கர்ஸ் அணி 20 ரன்கள் வித்தியாசத்தில் வெற்றி பெற்றது.