கெஜ்ரிவால் ராஜினாமா உறுதி: புதிய முதல்வர் பெயரை 12 மணிக்கு அறிவிக்கிறது ஆம் ஆத்மி

டெல்லி மாநில முதல்வராக இருக்கும் கெஜ்ரிவால் திகார் சிறையில் இருந்து விடுதலையானதும், மக்கள் தன்னை நேர்மையாளன் என்று சொல்லும்வரை முதல்-மந்திரி பதவியை ஏற்கமாட்டேன். 48 மணி நேரத்திற்குள் முதல்வர் பதவியை ராஜினாமா செய்வேன் எனத் தெரிவித்தார்.

அவருடைய 48 மணி நேர கெடு இன்றுடன் முடிவடைகிறது. இதற்கிடையே நேற்று ஜெக்ரிவால் துணை நிலை ஆளுநரை சந்திக்க நேரம் கேட்டிருந்தார். இன்று மாலை 4 மணிக்கு சந்திக்க நேரம் கொடுத்துள்ளார். அப்போது அரவிந்த் கெஜ்ரிவால் ராஜினாமா கடிதம் வழங்குவார் என எதிர்பார்க்கப்படுகிறது.

இந்த நிலையில் இன்று காலை சட்டமன்ற கட்சி கூட்டம் நடைபெற இருக்கிறது. இந்த கூட்டத்திற்குப் பிறகு மதியம் 12 மணிக்கு புதிய முதல்வர் யார் என்று அறிவிக்கப்படும் என ஆம் ஆத்மி கட்சி தெரிவித்துள்ளது.