கொழிஞ்சாம்பாறை:
காதலுக்கு மரியாதை என்ற தமிழ் சினிமாவில் விஜய் கதாநாயகனாக நடித்திருந்தார். இந்த சினிமா முதலில் மலையாளத்தில் எடுக்கப்பட்டது. அதில் விஜய் கதாபாத்திரத்தில் பிரபல கேரள சினிமா நடிகர் குஞ்சாக்கோ பாவன் நடித்திருந்தார். அதன்பின்னர் 50-க்கும் மேற்பட்ட சினிமாவில் நடித்து புகழ்பெற்றவர்.
சம்பவத்தன்று கண்ணூரில் நடந்த சினிமா படப்பிடிப்புகாக எர்ணாகுளம் தெற்கு ரெயில் நிலையத்தில் அமர்ந்திருந்தார். அப்போது நடிகர் குஞ்சாக்கோ பாவன் அருகே வந்த வாலிபர் தான் மறைத்து வைத்திருந்த கத்தியை எடுத்து உன்னை கொல்லாமல் விடமாட்டேன் என்று மிரட்டினார். வாலிபரின் செயலை பார்த்த குஞ்சாக்கோ பாவன் அதிர்ச்சியடைந்தார். அந்த வழியே வந்த பொதுமக்கள் வாலிபரை சமாதானம் செய்து அனுப்பி வைத்தனர்.
பின்னர் கண்ணூர் ரெயில் வந்ததும் குஞ்சாக்கோ பாவன் ரெயில் ஏறி படப்பிடிப்புக்கு புறப்பட்டார். கண்ணூர் ரெயில் நிலையம் வந்ததும் அங்குள்ள ரெயில்வே போலீசில் தன்னை எர்ணாகுளம் ரெயில் நிலையத்தில் வாலிபர் ஒருவர் கொலை செய்ய முயன்றார் என்று புகார் அளித்தார்.
புகாரின் பேரில் கண்ணூர் போலீசார் எர்ணாகுளம் ரெயில்வே போலீசாருக்கு தகவல் தெரிவித்தனர். எர்ணாகுளம் ரெயில்வே போலீசார் அங்குள்ள கண்காணிப்பு கேமிரா கட்சி பதிவுகளை வைத்து வாலிபரை தேடினர்.
இந்நிலையில் நேற்று அந்த வாலிபரை ரெயிவே போலீசார் கைது செய்தனர். நடிகர் குஞ்சாக்கோ பாவனை கொலை செய்ய முயன்றது குறித்து அவரிடம் தீவிர விசாரணை நடத்தி வருகிறார்கள். #tamilnews
