ஒடிசா மாநில பா.ஜ.க. தலைவர்களுடன் அமித் ஷா தீவிர ஆலோசனை

புவனேஸ்வர்:

2014-ம் ஆண்டு நடைபெற்ற பாராளுமன்ற தேர்தலில் மொத்தமுள்ள 21 தொகுதிகளில் ஒரேயொரு இடத்தில் மட்டுமே பா.ஜ.க. வெற்றி பெற்றது.

இந்நிலையில், ஒடிசா சட்டசபை தேர்தல் மற்றும் பாராளுமன்ற தேர்தல்கள் நெருங்கிவரும் நிலையில்  அம்மாநில பா.ஜ.க. மேலிட தலைவர்களுடன் அமித் ஷா இன்று தீவிர ஆலோசனை நடத்தி வருகிறார்.

முன்னதாக, ஒடிசா சட்டசபையில் உள்ள 147 தொகுதிகளில் 120 தொகுதிகளை பா.ஜ.க. கைப்பற்ற வேண்டும் என கட்சியினரை வலியுறுத்தியுள்ள அமித் ஷாவுடன் பல்வேறு சட்டசபை தொகுதிகளை சேர்ந்த பா.ஜ.க. பிரமுகர்கள் தனித்தனியாக சந்தித்து ஆலோசனை நடத்தவுள்ளனர். #AmitShah #Odishapollstrategy