search icon
என் மலர்tooltip icon

    உண்மை எது

    வைரலாகும் வீடியோ கேம் காட்சிகள்
    X
    வைரலாகும் வீடியோ கேம் காட்சிகள்

    ரஷியா-உக்ரைன் போர் காட்சிகள் என பரவி வரும் வீடியோ கேம் காணொளிகள்

    டாங்கிகள் குண்டு போடும் வீடியோ கேம் காட்சிகளை சிலர் உண்மையான வீடியோக்களுடன் சேர்த்து எடிட் செய்து உண்மையான போர் காட்சி போல சித்தரித்துள்ளனர்.
    ரஷியா - உக்ரைன் நாடுகளுக்கு இடையேயான போர் 24 நாட்களுக்கு மேலாக நடைபெற்று வருகிறது. உக்ரைன் மீது படையெடுத்துள்ள ரஷியா தொடர்ந்து முக்கிய நகரங்களில் தாக்குதல்களை மேற்கொண்டு வருகிறது. 

    இந்நிலையில் ரஷிய விமானங்கள் மீது உக்ரைன் டாங்கிகள் தாக்குதல் நடத்துவதாக இணையத்தில் வீடியோ ஒன்று பரவி வருகிறது.

    அந்த வீடியோவில் வானில் பறந்தபடி இருக்கும் ரஷிய விமானங்கள் மீது உக்ரைன் டாங்கிகள் தாக்குதல் நடத்துவதை போல காட்டப்பட்டுள்ளது. அந்த வீடியோவை இதுவரை 28 லட்சம் பேர் பார்த்துள்ளனர். இந்நிலையில் அந்த வீடியோ உண்மையில்லை என தற்போது தெரியவந்துள்ளது.

    அந்த வீடியோ ஆர்மா 3 என்ற வீடியோகேமில் இடம்பெற்றுள்ள காட்சி. அந்த வீடியோ கேமில் ராணுவ விமானங்கள், டாங்கிகள் தத்துரூபமாக இடம்பெற்றிருக்கும். வீடியோ கேம் டாங்கிகள் குண்டு போடும் காட்சிகளை சிலர் உண்மையான வீடியோக்களுடன் சேர்த்து எடிட் செய்து, உண்மையான போர் காட்சி போல சித்தரித்துள்ளனர் என தெரிவிக்கப்பட்டுள்ளது.

    ஏற்கனவே சில வீடியோ கேம்களின் காட்சிகளை எடுத்து ரஷிய-உக்ரைன் போர் என சித்தரித்து வீடியோக்கள் வெளியானதும் குறிப்பிடத்தக்கது.
    Next Story
    ×