கோவில்பட்டி முத்துமாரியம்மன் கோவிலில் சிறப்பு பூஜை

கோவில்பட்டி:

கோவில்பட்டி முத்துமாரியம்மன் கோவிலில் மாதாந்திர சிறப்பு பூஜைகள் நடைபெற்றது. இதில் விக்னேஷ்வர பூஜை, யாகசாலை பூஜை, பூர்ணாகுதி தீபாராதனை நடைபெற்றது. தொடர்ந்து விநாயகர், முத்துமாரியம்மன், சந்தன கருப்பசாமிக்கு சிறப்பு அபிஷேக அலங்கார தீபாராதனை நடைபெற்றது. பூஜைகளை கோவில் அர்ச்சகர் சுப்பிரமணிய அய்யர் செய்தார். ஏற்பாடுகளை கோவில் தலைவர் தங்கவேல், செயலாளர் மாரிச்சாமி, பொருளாளர் லட்சுமணன் மற்றும் நிர்வாக கமிட்டி உறுப்பினர்கள் செய்திருந்தனர். பூஜையில் கலந்து கொண்ட பக்தர்களுக்கு பிரசாதம் வழங்கப்பட்டது.