நாகப்பட்டினம்

நாகப்பட்டினம்:

நாகை மாவட்டம் நாகூர் அருகே உள்ள மேலவாஞ்சூர் பகுதியை சேர்ந்த அய்யப்பன் மகன் குணசீலன் (வயது 27) பெயிண்டர். இவரது மனைவி கவிதா. இவர்களுக்கு அர்ச்சனா என்ற மகளும், ரூபன் என்ற மகனும் உள்ளனர்.

இந்த நிலையில் கவிதாவின் நடத்தையில் குணசீலனுக்கு சந்தேகம் எழுந்தது. இது தொடர்பாக இருவருக்கும் இடையே தகராறு ஏற்பட்டு வந்தது. இதனால் வேதனை அடைந்த கவிதா கடந்த 19–ந் தேதி நீடாமங்கலத்தில் உள்ள தனது தாய் வீட்டிற்கு சென்று விட்டார். மனைவி கோபித்து சென்றதால் மனமுடைந்த குணசீலன் வீட்டில் தூக்குபோட்டு தற்கொலை செய்துகொண்டார்.

இதுபற்றி நாகூர் சப்–இன்ஸ்பெக்டர் செல்வி வழக்குப்பதிவு செய்து விசாரணை நடத்தி வருகிறார்.

நாகப்பட்டினம்:

நாகை அருகே உள்ள மஞ்சக்கொல்லையை சேர்ந்தவர் ருக்மணி (வயது 70) இவர் வீட்டின் பின்புறம் சென்றபோது புதரில் மறைந்திருந்த பாம்பு கடித்தது. அவரை மீட்டு நாகை அரசு ஆஸ்பத்திரியில் அனுமதித்தனர்.

அங்கு சிகிச்சை பலனின்றி அவர் இறந்தார். இது குறித்து நாகை சப்–இன்ஸ்பெக்டர் இலங்கேஸ்வரன் வழக்குப்பதிவு செய்து விசாரணை நடத்தி வருகிறார்.

சீர்காழி:

சீர்காழி ஈசானியத் தெருவில் உள்ள சட்டைநாதர் குளம் சுற்றுசுவர் இடிந்தும், குப்பைகள் கொட்டப்பட்டும் பராமரிப்புகள் இன்றி ஆக்கிரமிப்பு செய்யப்பட்டு வருவதாக சமூக ஆர்வலர்கள் வருத்தம் தெரிவிக்கின்றனர்.

சீர்காழி நகரில் மட்டும் கரிக்குளம், தாமரைக்குளம், ஆரியாப்பிள்ளைகுளம், தென்பாதிகுளம் மற்றும் கோவில்களில் உள்ள குளங்கள் என சுமார் 11க்கும் மேற்பட்ட குளங்கள் உள்ளன. இந்த குளங்களால்தான் சீர்காழி நகரில் நிலத்தடி நீர் அதிகரித்துவந்தது. ஆனால் காலப்போக்கில் குளங்கள் ஆக்கிரமிப்புகள் செய்யப்பட்டு குளத்தின் பரப்பளவு குறைந்து காய்ந்த குட்டையாக மாறிவிட்டன.

இதேபோல் சீர்காழி ஈசானியத்தெருவில் சட்டைநாதர் குளம் உள்ளது. இந்த குளத்தின் மூலம் ஈசானியத்தெரு, காமராஜர்அவென்யூ, வடபாதி மாரியம்மன் கோவில் தெரு, கோவிந்த ராஜன் நகர் உள்ளிட்ட பல்வேறு பகுதிகளின் நீர் ஆதாரமாக இருந்துவந்தது.

இந்த குளத்தில் சாலையோரம் பாதுகாப்பு கருதி நகராட்சி சார்பில் சுற்றுசுவர் கட்டப்பட்டு சில மாதங்களிலேயே 50அடி தூரத்திற்கு சுவர் குளத்தினுள்ளேயே இடிந்து விழுந்தது. அதனை இதுவரை நகராட்சி நிர்வாகம் சீரமைக்கவில்லை. மேலும் குப்பைகள் கொட்டப்படுவதாலும் குளம் மாசு அடைந்து வருகிறது. ஆகையால் மாவட்ட நிர்வாகம் உடனடியாக நீர்நிலைகளை பாதுகாக்கும் பொருட்டு சட்டைநாதர் குளத்தின் ஆக்கிரமிப்புகளை அகற்றி, தூர்வாரி பராமரிக்க நடவடிக்கை எடுக்கவேண்டும் என பொதுமக்கள் கோரிக்கை விடுத்துள்ளனர்.

மயிலாடுதுறை:

மயிலாடுதுறையில் மயூரநாதர் கீழவீதியில் அபயஅனுக்கிரக ஆஞ்சநேயர் கோவில் உள்ளது. மயூரநாதர் கோவிலுக்கு வரும் பக்த்தர்கள் இக்கோவில்லை தரிசித்து செல்வது வழக்கம். கடந்த ஆண்டு இக்கோவில் கும்பாபிஷேகம் நடந்தது.

இந்நிலையில் மர்மநபர்கள் நேற்றிரவு இக்கோவில் பூட்டை உடைத்து உள்ளே புகுந்து ஒரு உண்டியலை எடுத்து சென்று கோவிலின் பின்புறம் வைத்து உடைத்துள்ளனர். பின்னர் கோவில் கதவில் மாட்டப்பட்டிருந்த உண்டியல் மற்றும் பிரகாரத்திற்கு முன்பு இருந்த 2 திருவாட்சி, சரவிளக்குகள் 2, வெண்கல மணி ஆகியவற்றை திருடி சென்றுள்ளனர்.

இதுகுறித்து இப்பகுதி வார்டு கவுன்சிலர் மயிலாடுதுறை போலீசாருக்கு தகவல் அளித்தார். இதன் பேரில் சம்பவஇடத்துக்கு வந்த போலீசார் இக்கோவில் ஸ்தாபகரிடம் மேலும் பொருட்கள் திருட்டு போய் உள்ளதா என விசாரித்து வருகின்றனர் .

திருட்டு போன உண்டியலில் சுமார் ரூ.10 ஆயிரத்துக்கு மேல் இருக்கலாம் என்றும், அதேபோல் திருட்டு போன திருவாட்சி, சரவிளக்கு, மணி ஆகியவற்றின் மதிப்பு சுமார் 40 ஆயிரத்துக்கு மேல் இருக்கலாம் என கூறப்படுகிறது.

சீர்காழி:

நாகை மாவட்டம் சீர்காழி அருகே உள்ள ஆச்சாள்புரம் கடை வீதி மற்றும் மாதானம் செல்லும் சாலையில் ஏராளமான கடைகள் உள்ளது. நேற்று நள்ளிரவு அங்கு வந்த கொள்ளை கும்பல் அடுத்தடுத்து 5 கடைகளின் முன் பக்க ‌ஷட்டரை உடைத்து பணத்தை கொள்ளையடித்து சென்று விட்டது.

செல்லத்துரை என்பவருக்கு சொந்தமான மளிகை கடையின் கல்லாப்பெட்டியை உடைத்து அதில் வைக்கப்பட்டிருந்த ரூ. 52 ஆயிரத்தை கொள்ளையடித்தது. அதன் அருகில் உள்ள வினோத் என்பவருக்கு சொந்தமான ஸ்டூடியோவில் இருந்த பணம், சேதுராமன் மளிகை கடையில் ரூ. 3 ஆயிரத்து 500 ரொக்கப்பணம், சக்திவேல் வளையல் கடையில் ரூ. 7 ஆயிரம் ரொக்கப்பணம் ஆகியவற்றை கொள்ளையடித்தனர்.அப்பகுதியில் பால முருகன் என்பவர் அடகு கடை வைத்துள்ளார். ஆனால் நகைகள் அங்கு இல்லை. இதனால் கொள்ளையர்கள் ஏமாற்றம் அடைந்தனர். அங்கிருந்த கல்லாப்பெட்டியில் வைக்கப்பட்டு இருந்த ரூ. 300 ஐ எடுத்து சென்றனர்.

இன்று காலை அப்பகுதி வழியாக சென்ற பொது மக்கள் 5 கடைகளின் பூட்டு உடைக்கப்பட்டு இருப்பதை பார்த்து கொள்ளிடம் போலீசுக்கு தகவல் தெரிவித்தனர். இன்ஸ்பெக்டர் சிவப்பிரகாசம், சப்-இன்ஸ்பெக்டர் வனிதா மற்றும் போலீசார் அங்கு வந்தனர். கைரேகை நிபுணர்களும் வந்து கொள்ளையர்களின் ரேகைகளை பதிவு செய்தனர்.

பாலமுருகன் அடகு கடையில் சி.சி.டி.வி. கேமிரா பொருத்தப்பட்டு உள்ளது. அதில் கொள்ளையர்கள் உருவம் பதிவாகி உள்ளதா? என போலீசார் தீவிர ஆய்வு செய்தனர்.

5 கடைகளில் அடுத்தடுத்து நடைபெற்ற கொள்ளை சம்பவம் அப்பகுதியில் பரபரப்பை ஏற்படுத்தி உள்ளது.

நாகப்பட்டினம்:

நாகப்பட்டினம் அருகே உள்ள தூத்தூர் குடியானவர் தெருவை சேர்ந்தவர் பாலகிருஷ்ணன். இவரது மகன் ஜெயராமன் (19). ஐ.டி.ஐ. படித்து விட்டு வீட்டில் இருந்தார்.அவர் மேல்படிப்பு படிக்க தந்தையிடம் பணம் கேட்டுள்ளார். அதற்கு அவர் பணம் இல்லை என தெரிவித்ததாக கூறப்படுகிறது.

இதனால் மனம் உடைந்த ஜெயராமன் வி‌ஷம் குடித்து விட்டார்.மயங்கி விழுந்த அவரை திருத்துறைப்பூண்டி அரசு ஆஸ்பத்திரியில் சேர்த்தனர். பின்னர் மேல் சிகிச்சைக்காக திருவாரூர் அரசு மருத்துவக் கல்லூரி மருத்துவமனையில் சேர்க்கப்பட்டார்.

அங்கு சிகிச்சை பலன் இன்றி இறந்தார். இது குறித்து பாகசாலை இன்ஸ்பெக்டர் அமுதா வழக்கு பதிவு செய்து விசாரணை நடத்தி வருகிறார்.

நாகப்பட்டினம்:

நாகை மாவட்டம் திருக்கடையூர் பி.பி.என் மின் உற்பத்தி நிறுவனம் வருடந்தோறும் 10 மற்றும் 12-ம் வகுப்பு அரசுப் பொதுத்தேர்வில் முதல் 3 இடங்களை பெறும் மாணவ மாணவிகளை ஊக்கப்படுத்தும் வகையில் பரிசுகளை வழங்கி வருகிறது.

அந்த வகையில் 2016–ம் ஆண்டு 12–ம் வகுப்புதேர்வில் நாகை மாவட்ட அளவில் முதலிடம் பெற்ற சீர்காழி பெஸ்ட் மெட்ரிக். பள்ளி மாணவி நித்யஸ்ரீக்கு ரூ.15,000–ம், 2–ம் இடம்பெற்ற ஏனங்குடி அல்காதிரியா மெட்ரிக் பள்ளி மாணவி ஹசானாவுக்கு ரூ.10,000–ம், 3–ம் இடம் பெற்ற மயிலாடுதுறை ஏ.ஆர்.சி காமாட்சி மெட்ரிக் பள்ளி மாணவி துளசிக்கு ரூ.6,000 பரிசுத் தொகைக்கான காசோலையும்.

10–ம் வகுப்புதேர்வில் நாகை மாவட்ட அளவில் முதலிடம் பெற்ற சீர்காழி விவேகானந்தா மெட்ரிக் பள்ளி மாணவி ஆயிஷாசித்திகாவுக்கு ரூ.15,000–ம், 2–ம் இடம் பெற்ற மாணவி மனோரஞ்சனி (நஸ்ருல் முஸ்லிமின் மெட்ரிக் பள்ளி, நீடுர்), தினேஷ்ராஜ்(விவேகானந்தா மெட்ரிக் பள்ளி, சீர்காழி), மிருதுரோஷினி (ஜெய்ஹிந்த் மெட்ரிக் பள்ளி, தேரெழுந்தூர்) ஆகியோருக்கு தலா ரூ.10,000–ம், 3–ம் இடம் பெற்ற மாணவி லாவண்யா (காயிதே மில்லத் மெட்ரிக் பள்ளி, தோப்புத்துறை) சங்கவி (காயிதே மில்லத் மெட்ரிக் பள்ளி, தோப்புத்துறை), விக்ரம் (டி.பி.டி.ஆர் நே‌ஷனல் மெட்ரிக் பள்ளி, மயிலாடுதுறை), வைஷ்ணவி (குருஞானசம்பந்தர் பள்ளி, மயிலாடுதுறை), பத்ரிநாத் (விவேகானந்தா மெட்ரிக் பள்ளி, சீர்காழி), ஐஸ்வர்யா (நடராஜன் தமயந்தி பள்ளி, நாகை) ஆகியோருக்கு தலா ரூ.6,000 பரிசுத் தொகைகாசோலை வழங்கப்பட்டுள்ளது.

மாவட்ட அளவில் மட்டுமல்லாமல், மாநில அளவில் சிறப்பிடம் பெற்று தம் பெற்றோருக்கும், பள்ளிக்கும் பெருமை தேடித்தர வேண்டும்.

இவ்வாறு அவர் கூறினார்.