மேலூர்
மதுரை மாவட்டம் மேலூரை அடுத்த தும்பைப் பட்டி அருகேயுள்ள து.அம்ப லகாரன்பட்டி கிராமத்தைச் சேர்ந்தவர் ஜோதிமணி என்ற பனையன் (வயது 61), விவசாயி. இவரது மகன்கள் வெளிநாடுகளில் வேலை பார்த்து விட்டு தற்போது சொந்த ஊரிலேயே வசித்து வருகிறார்கள்.
பங்களா வீட்டில் ஒரு பகுதியை ஜோதிமணியும், மற்றொரு பகுதியை அவரது மகன்களும் பயன்படுத்தி வருகின்றனர். அனைவருக் கும் திருமணமாகி குடும்பத் துடன் அங்கு தங்கியுள்ளனர்.
இந்தநிலையில் நேற்று இரவு விவசாய பணிகளை முடித்துக்கொண்டு வீடு திரும்பிய ஜோதிமணி சாப் பிட்டுவிட்டு, தனது பேரன், பேத்திகளுடன் காற்றுக்காக போர்டிகோ பகுதியில் கட்டிலில் படுத்திருந்தார். நள்ளிரவில் அங்கு வந்த மர்ம நபர்கள் பூட்டை உடைத்து உள்ளே புகுந்தனர்.
பின்னர் அந்த கும்பல் தனி அறையில் இருந்த பீரோவையும் உடைத்து அதில் வைக்கப்பட்டிருந்த 11 பவுன் நகை மற்றும் ரூ.பல லட்சம் ரொக்கப்ப ணம் மற்றும் வெள்ளி பொருட்களை கொள்ளை யடித்து விட்டு தப்பிச்சென்ற னர்.
இன்று அதிகாலை தூங்கி எழுந்தபோதுதான் ஜோதி மணிக்கு கொள்ளையர்கள் புகுந்திருந்தது தெரியவந்தது. உடனடியாக இதுகுறித்து மேலூர் போலீசுக்கு அவர் தகவல் தெரிவித்தார். அதன் பேரில் விரைந்து வந்த டி.எஸ்.பி. ஆர்லியாஸ் ரெபோனி, இன்ஸ்பெக்டர் மன்னவன், குற்றப்பிரிவு ஏட்டு தினேஷ் மற்றும் போலீசார் விரைந்து வந்து விசாரணை நடத்தினர்.
மேலும் கொள்ளை சம்ப வம் நடந்த வீட்டிற்கு தடய வியல் நிபுணர்கள் வந்து கொள்ளையர்கள் விட்டுச் சென்ற தடயங்களை சேக ரித்தனர். அந்த பகுதியில் பொருத்தப்பட்டுள்ள சி.சி.டி.வி. கேமரா காட்சிகளையும் ஆய்வு செய்து கொள்ளை யர்களை தேடி வருகிறார்கள்.
