காங்கிரஸ் தலைவர் கார்கே இன்று சென்னை வருகை- கே.எஸ்.அழகிரி மகள் திருமண வரவேற்பில் கலந்து கொள்கிறார்

சென்னை:

தமிழக காங்கிரஸ் தலைவர் கே.எஸ்.அழகிரி மகள் காஞ்சனா அழகிரி-ரங்கநாத் திருமணம் நாளை காலை திருவான்மியூர் மருந்தீஸ்வரர் திருமண மண்டபத்தில் நடைபெறுகிறது.

இதையொட்டி இன்று மாலை 6 மணிக்கு அதே மண்டபத்தில் திருமண வரவேற்பு நிகழ்ச்சி நடைபெறுகிறது.

வரவேற்பு நிகழ்ச்சியில் அகில இந்திய காங்கிரஸ் தலைவர் மல்லிகார்ஜூன கார்கே, தமிழக முதலமைச்சர் மு.க.ஸ்டாலின் மற்றும் அமைச்சர்கள், எம்.பி., எம்.எல்.ஏ.க்கள், பல்வேறு அரசியல் கட்சி தலைவர்கள் கலந்துகொண்டு மணமக்களை வாழ்த்துகிறார்கள்.

இதற்காக மல்லிகார்ஜூன கார்கே மங்களூருவில் இருந்து இன்று மாலை தனி விமானத்தில் புறப்பட்டு இரவு 7 மணியளவில் சென்னை விமான நிலையம் வந்தடைகிறார். அங்கிருந்து காரில் திருவான்மியூர் செல்கிறார். திருமண வரவேற்பில் கலந்துவிட்டு இரவே மங்களூரு புறப்பட்டு செல்கிறார்.