அரியலூர்

அரியலூர்:

அரியலூர் மாவட்ட நகர்ப்புற உள்ளாட்சி தேர்தலில் அரியலூர் நகராட்சியில் 18 வார்டுகளுக்கு, 34 வாக்குச்சாவடிகளில் பதிவான வாக்குகள் அனைத்தும் வாக்கு எண்ணும் மையமான அரியலூர் நகராட்சி அலுவலகத்தில் அரியலூர் நகராட்சியில் 4 மேஜைகளில் 9 சுற்றுகளாக இன்று காலை 8 மணி முதல் எண்ணப்பட்டு முடிவுகள் அறிவிக்கப்பட்டது.

இதில் தி.மு.க. 7 இடங்களிலும், அ.தி.மு.க. 7 இடங்களிலும், சுயேட்டைகள் 4 இடங்களிலும் வெற்றி பெற்றுள்ளது. இதில் நகராட்சியை கைப்பற்றும் முயற்சியில் இரண்டு கட்சிகளும் ஈடுபட்டு வருகிறது. சுயேட்சையாக வெற்றி பெற்ற 4 கவுன்சிலர்கள் எந்த கட்சிக்கு ஆதரவு தருகிறார்களோ அந்த கட்சியே நகராட்சியை கைப்பற்றும். எனவே அரியலூர் நகராட்சியை பொறுத்தவரை சுயேட்சைகள் கையில்தான் உள்ளது.

அரியலூர் நகராட்சியில் உள்ள 18 வார்டுகளில் வெற்றி பெற்றவர்களின் விவரம்:-

1-வது வார்டு-ஜேசுமேரி லீனஸ் (சுயேட்சை)

2-வது வார்டு- செல்வராணி பரமேஷ்வரன் (தி.மு.க.)

3-வது வார்டு - சத்யன் (தி.மு.க.)

4-வது வார்டு - கண்ணன் (அ.தி.மு.க.)

5-வது வார்டு- சாந்தி கலைவாணன் (தி.மு.க.)

6-வது வார்டு - ரேவதி ராமு (.தி.மு.க)

7-வது வார்டு -கலியமூர்த்தி (சுயேட்சை)

8-வது வார்டு - ராஜேந்திரன் (அ.தி.மு.க.)

9-வது வார்டு - மகாலட்சுமி (அ.தி.மு.க.)

10-வது வார்டு - இன்பவள்ளி (அ.தி.மு.க.)

11- வது வார்டு இஸ்மாயில் (அ.தி.மு.க.)

12-வது வார்டு - மலர்கொடி மனோகரன் (சுயேட்சை)

13-வது வார்டு - வெங்கடாஜலபதி (அ.தி.மு.க.)

14-வது வார்டு - ஜெயந்தி குணா (தி.மு.க.)

15-வது வார்டு - ராணி (தி.மு.க.)

16-வது வார்டு - ராஜேஸ் (தி.மு.க.)

17-வது வார்டு -ஜீவா (அ.தி.மு.க.)

18-வது வார்டு - புகழேந்தி (சுயேட்சை)

இதேபோல் மணப்பாறை நகராட்சியில் உள்ள 27 வார்டுகளில் தி.மு.க.வும், அ.தி.மு.க.வும் தலா 11 வார்டுகளில் வெற்றி பெற்றுள்ளனர். சுயேட்சைகள் 5 வார்டுகளில் வெற்றிவாகை சூடியுள்ளனர். இதனால் அங்கும் நகராட்சியை கைப்பற்ற போவது யார்? என்ற கேள்வி எழுந்துள்ளது.

ஜெயங்கொண்டம்:

அரியலூர் மாவட்டத்தில் உள்ள அரியலூர், ஜெயங்கொண்டம் நகராட்சிகள், உடையார்பாளையம், வரதராஜன்பேட்டை பேரூராட்சிகளில் கடந்த 19-ந்தேதி நகர்ப்புற உள்ளாட்சி தேர்தல் அமைதியான முறையில் நடந்து முடிந்தது.

இதில் உடையார்பாளையம் பேரூராட்சி 13-வது வார்டில் பிரபு என்பவரது மனைவி இலக்கியா என்பவர் சுயேட்சை வேட்பாளராக போட்டியிட்டார். இவருக்கு ஆதரவாக அதே பகுதியை சேர்ந்த சின்னசாமி மகன் அறிவழகன் (வயது 36) என்பவர் செயல்பட்டு வந்துள்ளார்.

திருமணமாகாத அவர் ஜெயங்கொண்டம் நீதிமன்றத்தில் வக்கீலாக பணியாற்றி வந்தார். சுயேட்சை வேட்பாளர் இலக்கியாவுக்காக அறிவழகன் தீவிர வாக்கு சேகரிப்பில் ஈடுபட்டு வந்தார். இது எதிர்த்து போட்டியிட்டவர்களுக்கு ஆத்திரத்தை ஏற்படுத்தியது.

இதற்கிடையே தேர்தல் முடிவடைந்த நிலையில் அறிவழகனை தீர்த்துக்கட்ட ஒரு கும்பல் திட்டம் தீட்டியது. இந்த நிலையில் இன்று காலை அறிவழகன் தனது வீட்டின் முன்பு நின்றுகொண்டிருந்தார். மேலும் அவர் கோர்ட்டுக்கு புறப்படுவதற்காக தயாரானார்.

அப்போது அந்த பகுதிக்கு ஒரு ஆட்டோ மின்னல் வேகத்தில் வந்தது. அறிவழகன் வீட்டு முன்பு நின்ற அந்த ஆட்டோவில் இருந்து திபுதிபுவென ஒரு கும்பல் இறங்கியது. அவர்கள் திடீரென்று தாங்கள் வைத்திருந்த ஒருவிதமான பொடியை அறிவழகன் முகத்தில் தூவினர். இதனை சற்றும் எதிர்பாராத அவர் நிலைகுலைந்தார். அப்போது அந்த கும்பல் கத்தியால் அறிவழகனை சரமாரியாக குத்திவிட்டு அதே ஆட்டோவில் தப்பிச்சென்றது.

இதில் அறிவழகன் ரத்த வெள்ளத்தில் தனது வீட்டின் முன்பு துடிதுடித்து பரிதாபமாக இறந்தார். இதைப் பார்த்த அவரது பெற்றோர் மற்றும் அக்கம் பக்கத்தினர் அதிர்ச்சி அடைந்தனர். உடனடியாக இதுபற்றி உடையார் பாளையம் போலீசாருக்கு தகவல் தெரிவிக்கப்பட்டது.

அதன்பேரில் ஜெயங்கொண்டம் துணை போலீஸ் சூப்பிரண்டு கலைகதிரவன் மற்றும் போலீசார் விரைந்து வந்து கொலையுண்ட அறிவழகன் உடலை மீட்டு பிரேத பரிசோதனைக்காக ஜெயங்கொண்டம் அரசு ஆஸ்பத்திரிக்கு அனுப்பி வைத்தனர். மேலும் சம்பவம் தொடர்பாக வழக்குப்பதிவு செய்து கொலையாளிகளை தனிப்படை அமைத்து தேடி வருகிறார்கள்.

தேர்தல் விரோதத்தில் வக்கீல் ஒருவர் பட்டப்பகலில் வீட்டு முன்பு குத்திக்கொலை செய்யப்பட்ட சம்பவம் அரியலூர் மாவட்டத்தில் பெரும் பரபரப்பையும், பதட்டத்தையும் ஏற்படுத்தி உள்ளது. அந்த பகுதியில் பாதுகாப்புக்காக போலீசார் நிறுத்தப்பட்டுள்ளனர்.

அரியலூர்:

அரியலூர் மாவட்டம், ஜெயங்கொண்டம் நகராட்சிக்கு உட்பட்ட 16-வது வார்டுக்கு இன்று மறுவாக்குப்பதிவு நடைபெற்றது.

ஜெயங்கொண்டம் நகராட்சியில் உள்ள 21 வார்டுகளுக்கு மொத்தம் 108 வேட்பாளர்கள் போட்டியிட்டனர். இதற்கான நகர்ப்புற உள்ளாட்சி தேர்தல் வாக்குப்பதிவு கடந்த சனிக்கிழமை நடைபெற்றது. ஜெயங்கொண்டம் நகராட்சியில் மொத்தமுள்ள 28,042 வாக்காளர்களில் 21,435 வாக்காளர்கள் வாக்களித்துள்ளனர். இது 76.44 சதவீதமாகும்.

இந்தநிலையில், ஜெயங்கொண்டம் நகராட்சியில் உள்ள 16-வது வார்டுக்கு மறு தேர்தல் நடத்த மாநில தேர்தல் ஆணையம் நேற்று உத்தரவிட்டது.

ஜெயங்கொண்டம் நகராட்சி 16-வது வார்டில் பிரதான கட்சிகளில் தி.மு.க. கூட்டணியில் காங்கிரஸ் கட்சிக்கு ஒதுக்கப்பட்டு வேட்பாளராக இதயராணி கை சின்னத்திலும், அ.தி.மு.க. வேட்பாளராக மலர்விழி இரட்டை இலை சின்னத்திலும், பா.ம.க. வேட்பாளராக இந்திராகாந்தி மாம்பழம் சின்னத்திலும் போட்டியிடுகிறார்கள்.

மேலும் அ.ம.மு.க. வேட்பாளராக ரோஸ்மா பிர‌ஷர் குக்கர் சின்னத்திலும், சுயேட்சை வேட்பாளர்களாக விஜயலட்சுமி மறை முருக்கி (ஸ்பேனர்) சின்னத்திலும், சுந்தராபாய் தீப்பெட்டி சின்னத்திலும் என 6 வேட்பாளர்கள் களத்தில் உள்ளனர்.

இதில் குறிப்பாக ஜெயங்கொண்டம் நகராட்சிக்கு உட்பட்ட ஸ்டேட் பேங்க் காலணி, சீனிவாசா நகர், இந்திராநகர், ஜோதிபுரம், கருப்பையா நகர், சிதம்பரம் ரோடு, கல்வி கிராமம் உள்ளிட்ட பகுதிகள் அடங்கிய 16-வது வார்டில் 1,640 வாக்காளர்கள் உள்ளனர். இவர்களில் 1,034 பேர் கடந்த சனிக்கிழமை நடைபெற்ற தேர்தலில் வாக்களித்துள்ளனர்.

இந்நிலையில் சுயேட்சை வேட்பாளராக போட்டியிடும் விஜயலட்சுமி என்பவருக்கு ஒதுக்கப்பட்டுள்ள மறை முருக்கி (ஸ்பேனர் சின்னம்) அஞ்சல் வாக்குச்சீட்டுகளில் ஆணி சின்னமாக பதிவிடப்பட்டுள்ளதாகவும், மின்னணு வாக்குப்பதிவு எந்திரங்களில் பதிவு செய்யப்பட்ட மறை முருக்கி (ஸ்பேனர்) சின்னம் சரியாக பதிவிடப்படவில்லை எனவும் குற்றச்சாட்டு எழுந்தது.

இப்புகார் தேர்தல் ஆணையத்துக்கு சென்றதையடுத்து இந்த வார்டில் மறுவாக்குப் பதிவு நடத்த தேர்தல் ஆணையம் உத்தரவிட்டது. மேலும் சனிக்கிழமை அன்று தேர்தல் நடைபெற்ற ஜெயங்கொண்டம் ஊராட்சி ஒன்றிய தொடக்கப்பள்ளியில் அதே இடத்தில் இன்று மறுவாக்குப்பதிவு நடத்திடவும் ஏற்பாடுகள் நடந்தன.

அதன்படி ஜெயங்கொண்டம் நகராட்சியில் உள்ள 16-வது வார்டில் ஆண்கள் மற்றும் பெண்கள் என இரு வாக்குச்சாவடிகளிலும் இன்று மறுவாக்குப்பதிவு காலை 7 மணிக்கு தொடங்கியது. கடந்த சனிக்கிழமை வாக்களித்தவர்கள் சிரமமாக கருதாமல் வாக்குச் சாவடிக்கு வந்து தங்களது வாக்கினை இரண்டாவது முறையாக பதிவு செய்தனர். இதனால் வாக்குப்பதிவு விறுவிறுப்பாக நடைபெற்று வருகிறது.

தொடர்ந்து மாலை 5 மணி வரை பொதுவாக்காளர்களும், மாலை 5 முதல் 6 மணி வரை கொரோனா பாதிக்கப்பட்டவர்களும் வாக்குப்பதிவு செய்வதற்கான ஏற்பாடுகளை மாவட்ட நிர்வாகம் செய்துள்ளது.

கடந்த சனிக்கிழமை நடைபெற்ற தேர்தலின்போது வாக்காளர்களுக்கு அடையாள மையானது வலது கை ஆட்காட்டி விரலில் வைக்கப்பட்டது. இன்று மறு வாக்குப் பதிவின்போது அழியாத மை இடது கை நடு விரலின் மீது வைக்கப்பட்டது.

மேற்கண்ட வாக்குப்பதிவு நடைபெறும் வாக்குச்சாவடி மையம் அமைந்துள்ள ஜெயங்கொண்டம் ஊராட்சி ஒன்றிய துவக்கப்பள்ளியில் பயிலும் பள்ளி மாணவ, மாணவிகள் மற்றும் வாக்குப்பதிவு நடைபெறும் 16-வது வார்டில் உள்ள அரசு அலுவலர்கள் மற்றும் தனியார் நிறுவனங்களில் பணிபுரிபவர்கள் வாக்களிக்கும் வகையில் இன்று (21-ந்தேதி) விடுமுறை அறிவித்து மாவட்ட தேர்தல் அலுவலரும், கலெக்டருமான ரமண சரஸ்வதி தெரிவித்துள்ளார்.

அரியலூர்:

தமிழ்நாடு மாநில தேர்தல் ஆணையம் அறிவிப்பின்படி, அரியலூர் மாவட்டத்தில் உள்ள அரியலூர் நகராட்சி, ஜெயங்கொண்டம் நகராட்சி, உடையார்பாளையம் பேரூராட்சி மற்றும் வரதராஜன் பேட்டை பேரூராட்சிகளில் உள்ள வார்டு உறுப்பினர் பதவியிடங்களுக்கு உள்ளாட்சி பிரதிநிதிகள் தேர்ந்தெடுக்கப்படவுள்ளனர்.

இதன்படி, அரியலூர் மாவட்டத்தில் நாளை வாக்குப்பதிவும், 22-ந் தேதி அன்று வாக்கு எண்ணிக்கையும் நடை பெறவுள்ளது. வாக்குப்பதிவு மற்றும் வாக்கு எண்ணிக்கைக்கு தேர்தல் தொடர்பான பல்வேறு பணிகளை  கலெக்டர் பார்வையிட்டு, ஆய்வு செய்யதார்.

இதில், அரியலூர் நகராட்சி அலுவலகத்தில் அமைக்கப்பட்டுள்ள வாக்கு எண்ணும் மையத்தினை பார்வையிட்டு, வாக்குப்பதிவு இயந்திரம் வைப்பறையிலிருந்து வாக்கு எண்ணும் இடத்திற்கு பாதுகாப்பாக வாக்குப்பதிவு இயந்திரம் கொண்டு செல்லும் வழி, வார்டு வாரியாக வாக்கு எண்ணும் வகையில் மேற்கொள்ளப்பட்டுள்ள பணிகள்,

தேர்தல் நடத்தும் அலுவலர், உதவி தேர்தல் நடத்தும் அலுவலர்கள் அமரும் இடம், தேர்தல் பார்வையாளர் அமரும் இடம், வாக்கு எண்ணிக்கை இடம், தேர்தல் முடிவு அறிவிக்கும் இடம், ஒலிப்பெருக்கி, வேட்பாளர்கள் மற்றும் முகவர்கள் வரும் வழி மற்றும் அமரும் இடம், பாதுகாப்பு தடுப்பு கட்டைகள், கண்காணிப்பு கேமராக்கள் உள்ளிட்ட வாக்கு எண்ணும் மையத்தில் அமைக்கப்பட்டுள்ள பல்வேறு பாதுகாப்பு ஆய்வு செய்தார்.

அதனைத்தொடர்ந்து, அரியலூர் நகராட்சி அலுவலகத்தில் வாக்குப்பதிவு மையங்களுக்கு அனுப்புவதற்காக பாதுகாப்பாக வைக்கப்பட்டுள்ள மாற்றுத்திறனாளிகளுக்கான வீல்சேர், வாக்குச்சாவடிகளுக்கு தேவையான பொருட்களை பார்வையிட்டு, வாக்குச்சாவடி வாரியாக அனுப்பும் வகையில் தயார் நிலையில் உள்ள வாக்குச்சாவடி பொருட்கள் குறித்து கேட்டறிந்து, உரிய பாதுகாப்பு வசதிகளுடன் வாக்குச் சாவடிகளுக்கு இப்பொருட்களை முறையாக அனுப்பவும் சம்மந்தப்பட்ட அலுவலர்களுக்கு அறிவுறுத்தினார்.