அரியலூர்

அரியலூர்:

அரியலூர் மாவட்ட நகர்ப்புற உள்ளாட்சி தேர்தலில் அரியலூர் நகராட்சியில் 18 வார்டுகளுக்கு, 34 வாக்குச் சாவடிகளில் பதிவான வாக்குகள் அனைத்தும் வாக்கு எண்ணும் மையமான அரியலூர் நகராட்சி அலுவலகத்தில்  அரியலூர் நகராட்சியில் 4 மேஜைகளில் 9 சுற்றுகளாக எண்ணப்பட்டு முடிவுகள் அறிவிக்கப்பட்டது.

இதில் தி.மு.க. 7 இடங்களிலும், அ.தி.மு.க. 7 இடங்களிலும், சுயேட்டைகள் 4 இடங்களிலும்  வெற்றி பெற்றது. இதில் நகராட்சியை கைப்பற்றும் முயற்சியில் இரண்டு கட்சிகளும் ஈடுபட்டுவந்த நிலையில். சுயேட்சையாக வெற்றி பெற்ற 4 கவுன்சிலர்கள் தி.மு.க.விற்கு தங்களது ஆதரவை தெரிவித்துள்ளதால், அரியலூர் நகராட்சி தலைவராக தி.மு.க.வை சேர்ந்த சாந்தி பதவியேற்றுக் கொண்டார்
.
இதே போல் ஜெயங்கொண்டம் நகராட்சியில் உள்ள 21 வார்டுகளில் தி.மு.க. 10 இடங்களையும், அ.தி.மு.க. மற்றும் பா.ம.க.வினர் தலா 4 இடங்களையும் விடுதலை சிறுத்தைகள் கட்சி 2 இடங்களையும், சுயேட்சை ஒரு இடத்திலும் வெற்றி பெற்றனர்.

இதில் 10&வது வார்டில் வெற்றி பெற்ற தி.மு.க. கூட்டணி கட்சியான விசிக&வை சேர்ந்த சுமதி  ஜெயங்கொண்டம் நகராட்சி தலைவராக பதவியேற்றுக்கொண்டார்.

இதே போல் உடையார் பாளையம் பேரூராட்சியில் தி.மு.க.வை சேர்ந்த மலர்கொடியும், வரதராஜன் பேட்டையில் மார்கிரேட் ஆகியோர் பதவியேற்றுக் கொண்டனர்.

அரியலூர்:

கிறிஸ்தவர்களின் 40 நாள் தவக்காலம் புதன்கிழமை தொடங்கியது.  அனைத்து தேவலாயங்களிலும் சிறப்பு பிரார்த்தனை நடைபெற்றன.

இயேசு சிலுவையில் உயிர் நீத்த நாள் புனித வெள்ளியாகவும், இயேசு உயிர்த்தெழுந்த 3 ஆம் நாள் ஈஸ்டர் பண்டி கையாகவும் கொண்டாடப்பட்டு வருகிறது. அதன் நிகழாண்டு ஈஸ்டர் தினம் ஏப்ரல் 17&ந் தேதி கொண்டாடப்படுகிறது. இதற்காக 40 நாள்கள் தவக்காலத்தை கிறிஸ்தவர்கள் புதன்கிழமை தொடங்கினர்.

இதனை முன்னிட்டு, அரியலூர் மாவட்டத்திலுள்ள அனைத்து கிறிஸ்தவ தேவலாயங்களிலும் சிறப்பு திருப்பலிகள் நடைபெற்றன. அருட் தந்தையர்கள், கிறிஸ்தவர்கள் நெற்றியில் சாம்பல் பூசி தவக்காலத்தை தொடங்கி வைத்தனர்.

திருமானூர் அருகே ஏலாக் குறிச்சியில் உள்ள அடைக்கல அன்னை ஆலயத்தில் பங்கு தந்தை சுவைக்கின் தலைமையில், சிறப்பு திருப்பலி நடைபெற்றன. இதில் கலந்து கொண்ட கிறிஸ்தவர்களுக்கு அவர், சாம்பல் பூசி தவக்காலத்தை தொடங்கி வைத்தார்.

வரதராஜன்பேட்டை புனித அலங்கார அன்னை ஆலயத்தில்பங்கு தந்தையர் பெலிக்ஸ் சாமுவேல் சிறப்பு திருப்பலி நடத்தி கிறிஸ்தவர்களின் நெற்றியில் சாம்பல் பூசி தவக்கலாத்தை தொடக்கி வைத்தார்.

அரியலூர் புனித லூர்து அன்னை ஆலயம், மைக்கேல்பட்டி புனித அன்னை ஆலயம், திருமானூர் புனித அருளானந்தர் ஆலயம், புதுக்கோட்டை தூய மங்கள மாதா ஆலயம், குலமாணிக்கம், கோக்குடி கிராமங்களிலுள்ள புனித இஞ்ஞாசியர் ஆலயம் மற்றும் ஆண்டிமடம், தென்னூர், செந்துறை, மீன்சுருட்டி உள்ளிட்ட தேவலாயங்களில் பங்கு தந்தையர்கள் சிறப்பு திருப்பலி நடத்தி, தவக்காலத்தை தொடங்கி வைத்தனர்.

தவக் காலங்களில் கிறிஸ்தவர்கள் அசைவ உணவுகளை உண்ணா திருத்தல், விரதம் இருத்தல் போன்ற வற்றை கடைபிடிப்பர். இதனால் நமது உடலும், மனமும் வலிமை பெற்று இறைவனின் அன்பை பெற முடியும் என்பது ஜதீகமாகும்.

அரியலூர்:

அரியலூர் மாவட்டம் ஜெயங்கொண்டம் விசாலாட்சி நகரை சேர்ந்தவர் செல்வம்&ஜெகஸ்வரி தம்பதியின் மகள் கீர்த்தனா.

இவர் கடந்த ஆண்டு டிசம்பர் 13-ந்தேதி உக்ரைன் நாட்டில் உள்ள ரூத்ருர் நேஷனல் யூனிவர்சிட்டியில் மருத்துவ படிப்பிற்காக சென்றார்.

இந்நிலையில் கடந்த சில நாட்களாக ரஷ்யா-உக்ரைன் போர் தீவிரமாக நடைபெற்று வருவதையடுத்து மாணவ, மாணவிகள் இந்தியா திரும்பி வருகின்றனர். இதற்கிடையே உக்ரைனுக்கு சென்ற தனது மகள் பத்திரமாக திரும்ப வரவேண்டும் என்று கீர்த்தனாவுடன் தொடர்பில் இருந்த பெற்றோர்கள் காத்திருந்தனர்.

மகளுக்காக காத்திருந்த செல்வத்தின் குடும்பத்தினருக்கு மகிழ்ச்சி அளிக்கும் வகையில் கீர்த்தனா நேற்று காலை பத்திரமாக திரும்பினார். மத்திய, மாநில  அரசுகள் முயற்சியால் இந்தியா முழுவதும் 117 மாணவ, மாணவிகள் மற்றும் தமிழ்நாட்டில் 21 மாணவ, மாணவிகள் அரசு செலவில் திரும்பினர்.

இதில் அரியலூர் மாவட்டம் ஜெயங்கொண்டத்தில் கீர்த்தனாவுக்கு அவருக்கு ஆரத்தி எடுத்து கட்டித்தழுவி பெற்றோர்கள் வரவேற்று நெகிழ்ச்சி அடைந்தனர்.

பின்னர் மாணவி கீர்த்தனா கூறுகையில், நாங்கள் இருந்த பகுதியில் சுமார் 150&க்கும் மேற்பட்ட தமிழ் மாணவர்கள் பயின்று வந்ததாகவும் அங்கு போர் பதற்றம் தெரியவில்லை எனவும் தெரிவித்தார்.

நேற்று முன்தினம் புதாபஸ்ட் விமான நிலையத்தில் இருந்து டெல்லி வந்து அங்கிருந்து சென்னை வந்து காலை வீடு திரும்பியுள்ளேன் என கூறினார்.

மேலும் தன்னுடன் தென்காசி, திருநெல்வேலி பகுதிகளைச் சேர்ந்த மாணவிகள் வந்ததாகவும் தெரிவித்தார். மத்திய, மாநில அரசுகளுக்கு தனது குடும்பத்தின் சார்பாக நன்றியை மாணவி கீர்த்தனா தெரிவித்துக்கொண்டார்.

அரியலூர்:

அரியலூர் மாவட்டத்தில் நகர்ப்புற உள்ளாட்சி தேர்தலில் பெரும்பாலான வார்டு களில் தி.மு.க. வெற்றி பெற்றுள்ளது.

அரியலூர் மாவட்டத்தில் அரியலூர், ஜெயங்கொண்டம் ஆகிய 2 நகராட்சிகளும், வரதராஜன்பேட்டை, உடையார்பாளையம் ஆகிய 2 பேரூராட்சிகளும் உள்ளன. இதில் அனைத்தையும் தி.மு.க. கைப்பற்றி உள்ளது.

அரியலூர் நகராட்சியில் மொத்தமுள்ள 18 வார்டுகளில் தி.மு.க. 7, அ.தி.மு.க. 7, சுயேட்சைகள் 4 வார்டுகளிலும் வெற்றி பெற்றுள்ளன. இதில் சுயேட்சை கவுன்சிலர்கள் 3 பேர் அமைச்சர் எஸ்.எஸ்.சிவசங்கரை சந்தித்து தங்களது ஆதரவை தி.மு.க. அளிப்பதாக  தெரிவித்துள்ளனர்.

இதேபோல் ஜெயங்கொண்டம் நகராட்சியில் மொத்தமுள்ள 21 வார்டுகளில் தி.மு.க. 10, பா.ம.க. 4, அ.தி.மு.க. 4, விடுதலை சிறுத்தைகள் 2, சுயேட்சை 1 வார்டிலும் வெற்றி பெற்றுள்ளன.

வரதராஜன்பேட்டை பேரூராட்சியில் மொத்தமுள்ள 15 வார்டுகளில் தி.மு.க. 7, சுயேட்சைகள் 8 வார்டுகளிலும், உடையார்பாளையம் பேரூராட்சியில் உள்ள 15 வார்டுகளில் தி.மு.க. 7, காங்கிரஸ் 1, விடுதலை சிறுத்தைகள் கட்சி 1, அ.தி.மு.க. 1, பா.ம.க. 1, பா.ஜ.க. 1, சுயேட்சைகள் 3 வார்டுகளிலும் வெற்றி பெற்றுள்ளன.

மாவட்டம் முழுவதும் வெற்றி பெற்ற 69 வார்டு கவுன்சிலர்களும் இன்று அந்தந்த நகராட்சி, பேரூராட்சியில் நடைபெற்ற விழாவில் பதவியேற்றுக்கொண்டனர்.

அரியலூர்:

அரியலூர் பேருந்து நிலையத்தில் இருந்து பயணிகளை ஏற்றிக்கொண்டு கோட்டியால் நோக்கி அரசுப் பேருந்து ஒன்று புறப்பட்டுச் சென்றது.  பேருந்தைஅணிக்குறிச்சியைச் சேர்ந்த கொளசியப்பன்வயது50 என்பவர்  ஓட்டினார்.

கா.கைகாட்டி அருகே சென்ற போது, எதிரே முனியங்குறிச்சியில் இருந்து சுண்ணாம்புக் கல் ஏற்றிக் கொண்டு அரியலூர் நோக்கி வந்த லாரி பேருந்து மீது மோதியது.

இந்த விபத்தில்  பேருந்து ஓட்டுநர் கொளஞ்சியப்பன்,  பேருந்து நடத்துநர் குமார் 57,  பயணிகள் ராகவன் 18, அருண்குமார் 21, பார்த்தசாரதி 7, பாத்திமா மேரி 47, அஞ்சலாமேரி(50),  அஞ்சம்மாள்(55),  வன ரோஜா(32), சுவேதா 18 , தங்கமணி 45 , சுஜாதா 35 , புவனேஸ்வரி 41 , மீனாட்சி 50, கலைச் செல்வி 43 உள்ளிட்ட 20 பேர் படுகாயம் அடைந்தனர்.

இது குறித்து தகவல் அறிந்ததும் கயர்லாபாத் போலீசார் சம்பவ இடத்திற்கு சென்று படுகாயம் அடைந்தவர்களை மீட்டு சிகிச்சைக்காக  அரியலூர் அரசு மருத்து வமனைக்கு அனுப்பி வைத்தனர். அங்கு அவர்களுக்கு சிகிச்சை அளிக்கப்பட்டு வருகிறது.

இது குறித்து கயர்லாபாத் போலீசார் வழக்கு பதிவு செய்து விசாரித்து வருகிறார்கள்.

அரியலூர்:

அரியலூர் மாவட்ட கலெக்டர் அலுவலக கூட்டரங்கில் மாவட்ட மாற்றுத் திறனாளிகள் நல அலுவலகம்  சார்பில் 25 மாற்றுத் திறனாளிகளுக்கு ரூ.1 லட்சத்து 85 ஆயிரம் மதிப்பீட்டில் நலத் திட்ட உதவிகள் வழங்கப்பட்டன.

நிகழ்ச்சியில், கலெக்டர் ரமண சரஸ்வதி கலந்து கொண்டு, செவித்திறன் பாதிக்கப்பட்ட மாற்றுத்திறனாளிகள் 5 பேருக்கு ரூ.62,500 மதிப்பில் திறன் பேசியும், 10 மாற்றுத் திறனாளிகளுக்கு ரூ.90,500 மதிப்பில் மூன்று சக்கர சைக்கிள்களும்,

2 மாற்றுத்திறனாளிகளுக்கு ரூ.18,950 மதிப்பில் சிறப்பு சக்கர நாற்காலிகளும், ஒரு மாற்றுத் திறனாளிக்கு ரூ.6,450 மதிப்பில் சக்கர நாற்காலியும், 3 மாற்றுத் திறனாளிகளுக்கு ரூ.1,620 மதிப்பில் ஊன்று கோல்களும், 4 மாற்றுத் திறனாளிகளுக்கு ரூ.5,176  மதிப்பில் பிரெய்லி வாட்ச் களும் என மொத்தம் 25 மாற்றுத் திறனாளிகளுக்கு ரூ.1,85,196 மதிப்பில் விலையில்லா உதவி உபகரணங்களை வழங்கினார்.

நிகழ்ச்சியில், மாவட்ட வருவாய் அலுவலர் இரா.ஜெய்னுலாப்தீன், மாவட்ட மாற்றுத்திறனாளிகள் நல அலுவலர் சீனிவாசன் உள்ளிட்டோர் கலந்து கொண்டனர்.