செய்திகள்

முதலமைச்சர் மு.க.ஸ்டாலின்

இட ஒதுக்கீடு போராட்டத்தில் உயிர்நீத்த 21 சமூக நீதி போராளிகளுக்கு மணிமண்டபம்- மு.க.ஸ்டாலின் அறிவிப்பு

மாலை மலர்2 Sep 2021 6:27 AM GMT (Updated: 2 Sep 2021 7:02 AM GMT)

விக்கிரவாண்டி இடைத்தேர்தலின் போது அளித்த வாக்குறுதியை யார் மறந்தாலும் நிச்சயம் தான் மறக்கவில்லை. யாரையும் மறக்க மாட்டேன் என முதலமைச்சர் மு.க.ஸ்டாலின் பேசியுள்ளார்.

சென்னை:

சட்டசபையில் முதல்- அமைச்சர் மு.க.ஸ்டாலின் 110-வது விதியின் கீழ் அறிவிப்பை வெளியிட்டார்.

ஒடுக்கப்பட்ட சமுதாயம் எதுவாக இருந்தாலும் அதன் உரிமைகள் காக்கப்பட வேண்டும் என்பதே தி.மு.க. அரசின் கொள்கை. 1987-ல் நடந்த இட ஒதுக்கீடு போராட்டத்தில் உயிர் நீத்த 21 சமூக நீதி போராளிகளின் தியாகத்தை போற்றும் வகையில் ரூ.4 கோடி செலவில் விழுப்புரத்தில் மணிமண்டபம் அமைக்கப்படும் என்பதை தெரிவித்துக் கொள்கிறேன்.

விக்கிரவாண்டி இடைத்தேர்தலின் போது நான் அளித்த வாக்குறுதி இது. யார் மறந்தாலும் நிச்சயம் நான் மறக்கவில்லை. யாரையும் மறக்க மாட்டேன்.

நான் சமுதாயத்தில் பின் தங்கிய வகுப்பை சார்ந்தவன். மிகவும் பின் தங்கிய வகுப்பினர் பட்டியலில் என் வகுப்புக்கு ஒரு இடம் உண்டு.