என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
சென்னையில் இருந்து திருச்சி, மதுரை, கோவைக்கு இந்தியன் ஏர்லைன்ஸ் விமானம் 30-ந்தேதி வரை ரத்து
ஆலந்தூர்:
சென்னை விமான நிலையத்தில் இருந்து திருச்சி, மதுரை, கோவை ஆகிய நகரங்களுக்கு தினந்தோறும் இந்தியன் ஏர்லைன்ஸ் விமானங்கள் சென்று வருகின்றன.
இந்த நகரங்களுக்கு செல்லும் இந்தியன் ஏர்லைன் விமான பயணிகளுக்கு கட்டண சலுகை வழங்கப்படுகிறது. கடந்த 2 வருடங்களாக இந்த உள்ளூர் விமான சேவை நடந்து வருகிறது.
இதற்கு அலையன் ஏர் விமானங்கள் பயன் படுத்தப்படுகின்றன. இந்த மாத தொடக்கத்தில் இருந்தே சென்னையில் இருந்து திருச்சி, மதுரை, கோவை செல்லும் விமானங்களிலும், அங்கிருந்து சென்னை வரும் விமானங்களிலும் பயணிகளின் எண்ணிக்கை மிகவும் குறைவாக இருந்தது.
இதையடுத்து, இந்த நகரங்களுக்கு வருகிற 30-ந்தேதிவரை விமான சேவையை ரத்து செய்வதாக இந்தியன் ஏர்லைன்ஸ் நிர்வாகம் அறிவித்துள்ளது. இதனால் 12 விமான சேவை ரத்தாகிறது.
இதுகுறித்து இந்தியன் ஏர்லைன்ஸ் அதிகாரி ஒருவர் கூறியதாவது:-
சென்னையில் இருந்து திருச்சி, மதுரை, கோவை செல்லும் இந்தியன் ஏர்லைன்ஸ் விமானத்தில் பயணிகள் எண்ணிக்கை மிகவும் குறைவாக உள்ளது.
எனவே வருகிற 30-ந்தேதிவரை இந்த உள்ளூர் விமான சேவை ரத்து செய்யப்பட்டுள்ளது. வெளியூர் வெளிநாடு செல்லும் விமானங்களுக்கு தட்டுப்பாடு இருக்கிறது.
எனவே இங்கு நிறுத்தப்பட்ட விமானங்கள் வெளியூர் சேவைக்கு பயன்படுத்தப்படும். தற்போது சென்னையில் இருந்து வாரம் 3 நாட்கள் இந்தியன் ஏர்லைன்ஸ் விமானம் யாழ்ப்பாணம் செல்கிறது. இந்த சேவை தொடர்ந்து நடைபெறும்.
இவ்வாறு அவர் கூறினார்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்