என் மலர்

    செய்திகள்

    தொண்டாமுத்தூர் அருகே கூண்டில் சிக்கிய 7 வயது பெண் சிறுத்தை
    X

    தொண்டாமுத்தூர் அருகே கூண்டில் சிக்கிய 7 வயது பெண் சிறுத்தை

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    தொண்டாமுத்தூர் அருகே கிராமத்துக்குள் நுழைந்து ஆடு, மாடு, கோழி ஆகியவற்றை அடித்து கொன்ற 7 வயது பெண் சிறுத்தை கூண்டில் சிக்கியது.
    பேரூர்:

    கோவை தொண்டாமுத்தூர் இருட்டுபள்ளம் அருகே உள்ள பச்சினாம்பதி மலையடிவார கிராமத்தில் கடந்த சில வாரங்களாக சிறுத்தை நடமாட்டம் அதிகமாக காணப்பட்டது. இதனை பார்த்த பொதுமக்கள் மற்றும் விவசாயிகள் மதுக்கரை வனத்துறையினருக்கு தகவல் தெரிவித்தனர்.

    மேலும் சிறுத்தை கடந்த வாரம் பூலுவம்பட்டி கிராமத்துக்குள் நுழைந்து ஆடு, மாடு, கோழி ஆகியவற்றை அடித்து கொன்றது. எனவே இந்த சிறுத்தையை பிடிக்க வேண்டும் என பொதுமக்கள் மற்றும் விவசாயிகள் வனத்துறையினருக்கு கோரிக்கை வைத்தனர்.

    இதனையடுத்து வனத்துறையினர் சிறுத்தையின் நடமாட்டம் எந்த பகுதியில் உள்ளது என ஆய்வு செய்தனர். அப்போது இருட்டுப்பள்ளம் அருகே உள்ள பச்சினாம்பதியில் சிறுத்தையின் நடமாட்டம் அதிகமாக உள்ளது தெரிய வந்தது.

    இதனையடுத்து சிறுத்தையை பிடிக்க பச்சினாம்பதி பகுதியில் கடந்த மாதம் 26-ந் தேதி வனத்துறையினர் கூண்டு வைத்து கண்காணித்து வந்தனர்.

    இந்தநிலையில் இன்று காலை அந்த வழியாக சென்ற விவசாயிகள் சிறுத்தை ஒன்று கூண்டில் சிக்கி இருப்பதை பார்த்தனர். பின்னர் இது குறித்து மதுக்கரை வனத்துறையினருக்கு தகவல் தெரிவித்தனர்.

    உடனடியாக ரேஞ்சர் செந்தில்குமார், வனவர் சோழமன்னன் தலைமையிலான வனத்துறையினர் சம்பவஇடத்துக்கு விரைந்து வந்தனர்.

    பின்னர் கூண்டில் சிக்கிய சிறுத்தையை பார்வையிட்டனர். அப்போது இந்த சிறுத்தை 7 வயதான பெண் சிறுத்தை என்பது தெரியவந்தது. இதனையடுத்து கூண்டுடன் சிறுத்தையை லாரியில் ஏற்றி பன்னாரி வனச்சரகத்துக்குட்பட்ட தெங்குமரகடா வனப்பகுதியில் விடுவதற்காக கொண்டு சென்றனர்.

    கடந்த 2 மாதங்களுக்கு முன்பு இந்த பகுதியில் உள்ள காளிமங்கலத்தில் ஒரு சிறுத்தை சிக்கியது. தற்போது 2- வது முறையாக இந்த பகுதியில் சிறுத்தை சிக்கி உள்ளது குறிப்பிடத்தக்கது. #tamilnews
    Next Story
    ×