திருவாரூர் இடைத்தேர்தல் - ஜனவரி 4ம் தேதி திமுக வேட்பாளர் நேர்காணல்

சென்னை:

 

தமிழகத்தில் காலியாக உள்ள திருவாரூர் தொகுதிக்கு ஜனவரி 28-ம் தேதி இடைத்தேர்தல் நடத்தப்படும் என தேர்தல் ஆணையம் இன்று அறிவித்தது.

இந்நிலையில், திருவாரூர் தொகுதிக்கான திமுக வேட்பாளர் நேர்காணல் ஜனவரி 4-ம் தேதி நடைபெறும் என திமுக பொது செயலாளர் அன்பழகன் தெரிவித்துள்ளார்.

இதுதொடர்பாக அவர் வெளியிட்டுள்ள செய்தியில், ஜனவரி 4-ம் தேதி அண்ணா அறிவாலயத்தில் திமுக வேட்பாளர் நேர்காணல் நடைபெறும். இடைத்தேர்தலில் போட்டியிட விரும்புவோர் ஜனவரி 2-ம் தேதி முதல் 3-ம் தேதி வரை தங்களது விண்ணப்பங்களை வழங்கலாம்.

வேட்பாளர் விண்ணப்ப கட்டணம் 25 ஆயிரம் ரூபாய் என்றும், விண்ணப்ப படிவம் ஒன்றுக்கு ரூ. 1000 செலுத்தி பெற்றுக் கொள்ளலாம் எனவும் தெரிவித்துள்ளார். #ThiruvarurBypoll #DMK