search icon
என் மலர்tooltip icon

    கிச்சன் கில்லாடிகள்

    மக்ரோனி சூப்
    X
    மக்ரோனி சூப்

    இன்று மக்ரோனி சூப் செய்யலாம் வாங்க...

    குழந்தைகளுக்கு மக்ரோனி என்றால் மிகவும் பிடிக்கும். இன்று மக்ரோனியை வைத்து அருமையான சூப் தயாரிப்பது எப்படி என்று பார்க்கலாம் வாங்க...
    தேவையான பொருட்கள்

    சுருள் (அ)சங்கு மக்ரோனி – அரை கப்,
    பச்சைப் பட்டாணி – கால் கப்,
    மிளகுத் தூள் – ருசிக்கேற்ப,
    உப்பு – சுவைக்கேற்ப.

    சூப் செய்ய:

    வெள்ளைப் பூசணி – கால் கிலோ,
    உருளைக்கிழங்கு – 1,
    பெரிய வெங்காயம் – 1,
    பால் – அரை கப்,
    உப்பு – சுவைக்கேற்ப,
    வெண்ணெய் – ஒரு டேபிள் ஸ்பூன்.

    செய்முறை

    பட்டாணி, மக்ரோனியை தனித்தனியாக வேக வைத்து கொள்ளவும்.

    உருளைக்கிழங்கு, பூசணிக்காயை தோல் நீக்கி, துண்டுகளாக்குங்கள்.

    வெங்காயத்தையும் தோல் நீக்கி நறுக்குங்கள்.

    கடாயை அடுப்பில் வைத்து சூடானதும் வெண்ணெய் போட்டு உருகியதும் பூசணிக்காய், வெங்காயம், உருளைக்கிழங்கு சேர்த்து 5 நிமிடம் வதக்குங்கள். அதில் 3 கப் தண்ணீர் சேர்த்து பிரஷர் குக்கரில் 2 அல்லது 3 விசில் வரும்வரை வேக வையுங்கள்.

    இது நன்கு வெந்ததும் ஆறவிட்டு வடிகட்டி அரைத்துக் கொள்ளுங்கள்.

    அரைத்ததை மீண்டும் முதலில் வேக வைத்த தண்ணீருடன் சேர்த்துக் கொதிக்க விடுங்கள்.

    அத்துடன் பால் சேர்த்து 5 நிமிடம் கொதிக்க விட்டு இறக்குங்கள்.

    இறக்கிய சூப்பில், வேக பட்டாணி, மக்ரோனி கலந்து, மிளகுத் தூள் தூவிப் பரிமாறுங்கள்.
    Next Story
    ×