தேவையான பொருட்கள் கத்தரிக்காய் - 250 கிராம்
வெங்காயம் - 3
மிளகாய் தூள் - அரை தேக்கரண்டி
புளி - சிறு எலுமிச்சை அளவு
எண்ணெய் - தேவையான அளவு
உப்பு - தேவையான அளவு
தேங்காய் துருவல் - 1 கப்
தாளிக்க கடுகு, உளுந்தம் பருப்பு, கடலைப் பருப்பு - தேவையான அளவு
செய்முறை முதலில் கத்தரிக்காய்களை கழுவி காம்பு நீக்கி நான்காய் கீறிக் கொள்ளவும்.
வெங்காயத்தை பொடியாக நறுக்கி கொள்ளவும்
புளியை தண்ணீர் விட்டு கெட்டியாக கரைத்து, தேங்காய் துருவல், மிளகாய் தூள், அரிந்த வெங்காயம் சேர்த்துக்கொள்ளவும்.
வாணலியில் எண்ணெய்விட்டு சூடானதும் தாளிக்க கொடுக்கப்பட்டுள்ள பொருட்களை போட்டு தாளித்த பின்னர் புளிக் கலவையை கொட்டி உப்பு சேர்த்து வதக்கவும்.
வெங்காயம் வதங்கிய பின் கலவையை எடுத்து கீறிய கத்தரிக்காய்களுக்குள் நிரப்பவும்.
மற்றொரு வாணலியில் எண்ணெய் விட்டு கத்தரிக்காய்களை அடுக்கி வைக்கவும். மீதமுள்ள மசாலா கலவையை அதன்மீது கொட்டி மூடிவைத்து மிதமான தீயில் வேகவைக்கவும்.
சிறிது நேரம் கழித்து கத்தரிக்காய்களை திருப்பி போடவும்.
எல்லாப் பக்கங்களும் வெந்தபின் எடுத்தால் ஆந்திரா ஸ்டைல் கத்தரிக்காய் மசாலா ரெடி!
- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
