குழந்தைகளுக்கு விருப்பமான பீனட் பட்டரை வீட்டிலேயே சுலபமாக செய்யலாம் வாங்க..

தேவையான பொருட்கள் :

வறுத்த வேர்க்கடலை - 1 கப்
கடலை அல்லது ரைஸ் பிராண்ட் எண்ணெய் - 3 டேபிள்ஸ்பூன்
உப்பு - 1 சிட்டிகை
தேன் - 1 டீஸ்பூன்

செய்முறை :

வறுத்த வேர்க்கடலையாக இருந்தாலும் அதன் தோலை நீக்கிவிடுங்கள். முழு காய்ந்த கடலையாக இருந்தால் அதை உரித்து கடாயில் வறுத்துக்கொள்ளுங்கள்.

பின் அதன் தோலை நீக்கிவிட்டு தயார் நிலையில் வைத்துக்கொள்ளுங்கள்.

கடலையை மிக்ஸி ஜாரில் போட்டு மைய அரைத்துக்கொள்ளுங்கள்.

கொஞ்சம் மசிந்ததும் எண்ணெய் மற்றும் தேன், உப்பு சேர்த்து மீண்டும் மைய அரையுங்கள்.

அவ்வளவுதான் பீனட் பட்டர் தயார்.