கொண்டைக்கடலை மாதுளை சாலட்

தேவையான பொருட்கள் :

ஆப்பிள் - 1
பேரிக்காய் - 1
கொய்யா - 1
மாதுளம் பழ முத்துக்கள் - அரை கப்
கொட்டை இல்லாத திராட்சை - அரை கப்
காய்ந்த திராட்சை - 1 டீஸ்பூன்
நட்ஸ் - 2 டீஸ்பூன்
வெள்ளை கொண்டைக்கடலை - 1 கப்
உப்பு - சுவைக்கு
சாட் மசாலா தூள் - கால் டீஸ்பூன்
எலுமிச்சை சாறு - அரை டீஸ்பூன்

செய்முறை :

வெள்ளை கொண்டைக்கடலையை இரவு முழுவதும் ஊறவைத்து காலையில் சிறிது உப்பு சேர்த்து வேகவைத்து கொள்ளவும்.

ஆப்பிள், பேரிக்காய், கொய்யாவை சிறிய துண்டுகளாக நறுக்கி கொள்ளவும்.

திராட்சையை துண்டுகளாக வெட்டிக்கொள்ளவும்.

ஒரு பாத்திரத்தில் வேக வைத்த கொண்டைக்கடலை, மாதுளம் பழ முத்துக்கள், நறுக்கிய ஆப்பிள், பேரிக்காய், கொய்யா, திராட்சை, காய்ந்த திராட்சை, நட்ஸ், எலுமிச்சை சாறு சேர்த்து நன்றாக கலக்கவும்.

கடைசியாக அதில் சாட் மசாலா தூள் தூவி பரிமாறவும்.