பாலக்கீரை ரவா தோசை

தேவையான பொருட்கள்

பாலக்கீரை - 1 கப்
தோசை மாவு - 1 கப்
வெங்காயம் - 2
ரவை - அரை கப்
இஞ்சி - 1 அங்குல துண்டு,
பச்சை மிளகாய் - 2,
உப்பு, எண்ணெய் - தேவையான அளவு

செய்முறை

வெங்காயம், பாலக்கீரையை பொடியாக நறுக்கி கொள்ளவும்.

ஒரு பாத்திரத்தில் தோசை மாவை போட்டு அதனுடன், ரவை, உப்பு சேர்த்து நன்றாக கரைத்து அரை மணி நேரம் அப்படியே வைக்கவும்.

மிச்சியில் பாலக்கீரை, இஞ்சி, ப.மிளகாய் சேர்த்து விழுது போல் அரைத்து மாவில் கலந்து கொள்ளவும்.

தோசை கல்லை அடுப்பில் வைத்து சூடானதும் முதலில் வெங்காயத்தை பரப்பியபடி கல்லில் போட்டு மாவை சுற்றி ஊற்ற வேண்டும். பின்னர் சுற்றி எண்ணெய் ஊற்றவும்.

வெந்ததும் திருப்பி போட்டு எடுத்து பரிமாறவும்.

சூப்பரான பாலக்கீரை ரவா தோசை ரெடி.