காலையில் சாப்பிட வேண்டிய சத்தான சாலட்

தேவையான பொருட்கள்

முளை கட்டிய பச்சை பயறு - 1 கப்
காய்ந்த மாங்காய் தூள் - 1/2 டீஸ்பூன்
மிளகு துாள், சீரக தூள் - தலா 1/2 டீஸ்பூன்
நறுக்கிய கொத்தமல்லிதழை - சிறிது
துருவிய கேரட் - 2 டேபிள் ஸ்பூன்
உப்பு - தேவைக்கு

செய்முறை

பச்சை பயிறை முதல் நாள் இரவு ஊறவைக்கவும். மறுநாள் நன்றாக வடித்து அதை ஹாட் பேக்கிலோ அல்லது துணியில் கட்டியோ ஒரு நாள் வைக்கவும். மறுநாள் பயறு நன்றாக முளைத்திருக்கும்.

முளைகட்டிய பச்சை பயறை, இரு நிமிடம் ஆவியில் வேக வைத்து எடுக்கவும்.

அதோடு, துருவிய கேரட், சீரகம், மிளகு துாள், மாங்காய் துாள், கொத்தமல்லித்தழை, உப்பு கலந்து பரிமாறவும்.