search icon
என் மலர்tooltip icon

    லைஃப்ஸ்டைல்

    கிரீன் சப்பாத்தி
    X
    கிரீன் சப்பாத்தி

    சத்தான டிபன் கிரீன் சப்பாத்தி

    கிரீன் சப்பாத்தியில் உள்ள பீட்டா கரோடின் மற்றும் வைட்டமின் பி ஆகியன, நோய் எதிர்ப்புசக்தியை அதிகரிக்கும். இன்று இந்த சப்பாத்தியை செய்வது எப்படி என்று பார்க்கலாம்.
    தேவையான பொருட்கள் :

    கோதுமை மாவு - 2 கப்,
    வேகவைத்த பட்டாணி - அரை கப்,
    புதினா - அரை கட்டு,
    கொத்தமல்லித்தழை - அரை கட்டு,
    பச்சை மிளகாய் - 2,
    உப்பு - தேவைக்கு,
    நெய் - 1 டீஸ்பூன்,
    சீரகத்தூள், கரம் மசாலா தூள் - தலா அரை டீஸ்பூன்,
    எண்ணெய் - தேவைக்கு,
    நெய் - சிறிதளவு.

    கிரீன் சப்பாத்தி

    செய்முறை :

    புதினா, கொத்தமல்லித்தழையை சுத்தம் செய்து, பச்சை மிளகாயுடன் சேர்த்து, நைஸாக அரைத்துக்கொள்ளுங்கள்.

    அரைத்த விழுதுடன், கோதுமை மாவு, நெய், கரம் மசாலா, சீரகத்தூள், உப்பு, தேவையான தண்ணீர் சேர்த்து நன்கு (சற்று இளக்கமாக) பிசைந்து அரை மணிநேரம் அப்படியே வைக்கவும்.

    பிசைந்த மாவிலிருந்து சிறிதளவு எடுத்து, சிறு சிறு உருண்டைகளாக உருட்டி, சப்பாத்திகளாக தேய்த்து வைக்கவும்.

    தோசைக்கல்லை அடுப்பில் வைத்து சூடானதும் தேய்த்த சப்பாத்தியை போட்டு சுற்றி சிறிது எண்ணெய் விட்டு வெந்ததும் திருப்பி போட்டு சுட்டு எடுக்கவும்.

    சத்தான கிரீன் சப்பாத்தி ரெடி.

    இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    Next Story
    ×