நல்ல ஆரோக்கியமான உடலை பாதிக்கும் விஷயங்கள்

மருத்துவர்கள் தாங்கள் படிக்கும்போது கற்கும் ஒரு முக்கிய வாசகம் அநேக உடல் நல பாதிப்புகள், மன நல பாதிப்புகளாலேயே ஏற்படுகின்றன என்பதுதான். துக்கம், வேதனை, கோபம், இழப்பு, சண்டை இவை அனைத்தும் நல்ல ஆரோக்கியமான உடலையும் பாதித்து விடும். சமீபத்திய ஆய்வுகள் அதனை மேலும் உறுதி செய்துள்ளன.

கணவன்-மனைவிக்கு இடையே மிக கோபமான வாழ்க்கை முறை, சண்டை, வாக்குவாதம், அடிதடி, பேச்சுவார்த்தை இன்மை, பிரிவு போன்றவை நிகழும்போது அது அவர்களின் உடல் நலத்தினை வெகுவாக பாதித்து விடுகின்றன. குறிப்பாக குடலினை அதிகம் பாதிக்கின்றதாம். குடலினுள் உள்ள அதன் மெல்லிய ஜவ்வு-நச்சுகள் மற்றும் கிருமிகள் உடலினுள் ஊடுருவுவதைத் தடுக்கின்றது. இதனால் நச்சுக்களும், கிருமிகளும் ரத்தத்தினுள் கலப்பது தடுக்கப்படுகின்றது.

அநேக வகை கெட்ட பாக்டீரியாக்கள் இருந்தாலும் ‘நட்பு பாக்டீரியா’ எனப்படும் இந்த பாக்டீரியாக்கள் மற்றும் பிரிவுகள் உடலுக்குள் நன்மையை செய்கின்றன. நோய் எதிர்ப்பு சக்தியினைக் கூட்டுகின்றன. இவை பாதிக்கப்படும்போது வயிறு, குடல் சார்ந்தநோய்கள், வீக்கம், எடை கூடுதல், புற்று நோய், படபடப்பு, மனச்சோர்வு ஆகியவை ஏற்படுகின்றன.

குடும்ப உறவுகளில் மாமியார், மருமகன், கணவன், மனைவி, மாமனார் என்ற நெருங்கிய உறவுகளில் பணமும், மாமனார், மாமியாரும் பிரச்சினைகளுக்கு முதல் காரணமாகக் காணப்பட்டனர். அவர்கள் சண்டையிடும்போது ஏற்படும் ஆவேசம், கண்ணீர், கொந்தளிப்பு, ஒருவரை ஒருவர் மட்டப்படுத்தி பேசுதல் இவைகளை பதிவு செய்தனர் ஆய்வாளர்கள். இவர்களது ரத்தத்தினை தொடர்ந்து பரிசோதித்தபோது இந்த கோப, வேகங்கள் அன்றாடம் ஏற்படும்போது ஏற்படும் மன அழுத்தத்தால் இவர்களது உடலும் அன்றாடம் பாதிப்பிற்கு உள்ளானது கண்டு பிடிக்கப்பட்டது.

குடல் பாதிப்பிற்கு உள்ளாகி உள்ளது என்பதனைக் காட்டும் அறிகுறிகள்:

ஜீரண கோளாறுகள்

வயிறு உப்பிசம், அதிக காற்று, நெஞ்செரிச்சல், வயிற்றுப் போக்கு, மலச்சிக்கல், குடல் வீக்கம் இவைகளின் பாதிப்பு இருந்தால் உங்கள் குடலில் கெட்ட உயிரினங்கள் அதிகரித்து உள்ளதா? என பரிசோதித்துக் கொள்ளவும். சில மனநல பாதிப்புகளுக்கு குடலில் அதிக தீய பாக்டீரியாக்கள் அதிகரிப்பதே காரணம் என ஆய்வுகள் கூறுகின்றன. சில வைட்டமின் குறைபாடுகள் ஏற்படலாம்.

வைட்டமின் டி, கே., பி12, பி17 மற்றும் மக்னீசிய குறைபாடுகள் இருக்கலாம். ஆன்டிபயாடிக் உபயோகம் கூடும்போது நல்ல பாக்டீரியாக்கள் அழிந்து விடும் வாய்ப்புகள் மிக அதிகம். இதனை மருத்துவ உதவியுடன் உடனே சரி செய்து கொள்ள வேண்டும். ஸ்டிரெஸ் ஒருவருக்கு படபடப்பு, மன உளைச்சல், உயர் ரத்த அழுத்தம் இவற்றினைத் தரும். இது சில மாதங்கள் நீடித்தாலே உடல் பாதிப்பு ஏற்படும்.

சரும பாதிப்புகள் இருக்கின்றதா?
பரு, எக்ஸிமா, சொரியாஸிஸ் பாதிப்புகள் இருக்கின்றதா?
உங்கள் குடல் ஆரோக்கியத்திலும் அதிக கவனம் செலுத்துங்கள்.

நல்ல குடல் ஆரோக்கியத்தினைப் பெற :

ஆரோக்கியமில்லாத எண்ணெய், சர்க்கரை, ஆரோக்கியமில்லாத உணவுகள் இவற்றினைத் தவிருங்கள். பழங்கள், காய்கறிகள், அதிக கொழுப்பில்லாத தயிர், சீஸ் இவற்றினை உணவில் சேருங்கள். 8 மணி நேர தூக்கம் அவசியம். ஸ்டிரெஸ்ஸினைத் தவிர்க்க தியானம் பழகுங்கள்.

பருப்பு வகைகள், பீன்ஸ், கொண்டை கடலை, ஓட்ஸ், வாழைப்பழம், பூண்டு, வெங்காயம், கொட்டை வகைகள் இவற்றினை உணவில் சேர்த்துக் கொள்ளுங்கள்.
மது, புகை இவற்றினை அடியோடு விட்டு விடுங்கள். முறையான உடற்பயிற்சி மேற்கொள்ளுங்கள்.

ஆரோக்கிய கொழுப்பு, ஓமேகா-3 இவற்றினை உணவில் சேருங்கள். தேவையான அளவு நீர் குடியுங்கள். உணவினை மெதுவாய் மென்று உண்ணுங்கள். கல்லீரல் பாதிப்பினை காட்டும் சில அறிகுறிகள் குடல் பாதிப்பினால் ஏற்படும் கல்லீரல் பாதிப்புகளா என்பதனை மருத்துவ பரிசோதனை மூலம் அறிய வேண்டும்.தாவர வகை உணவினை எடுத்துக் கொள்ளுங்கள்.

பெண்கள், குழந்தைகளுக்கு, தாய் பால் ஒரு வருடம் வரையிலாவது அவசியம் கொடுங்கள். முதல் 6 மாதம் தாய்பால் மட்டுமே கொடுங்கள். கோகோ, அடர்ந்த சாக்லேட், க்ரீன் டீ, பாதாம், வெங்காயம், ப்ரோகலி போன்றவை வீக்கம், ரத்த கொதிப்பு, கொலஸ்டிரால் இவற்றினை குறைத்து குடலில் நல்ல பாக்டீரியாக்களை அதிகரிக்கச் செய்யும்.

குடலில் உள்ள நல்ல பாக்டீரியா பி4 (பயோடிக்) பி12, வைட்டமின்களையும் உற்பத்தி செய்கின்றது. இந்த நல்ல பாக்டீரியா பாதிப்பு ஏற்படும்போது சர்க்கரை நோய், எடை கூடுதல், முடி கொட்டுதல், எக்ஸிமா, ரத்த சோகை, பல்லில் ரத்த கசிவு, புண், வாதம், புற்று நோய், முடக்கு வாதம் என எண்ணற்ற பாதிப்புகள் குடலில் ஏற்படுகின்றன.

எனவே இவற்றினை கவனத்தோடு சரி செய்தாலே அநேக நோய் பாதிப்புகளில் இருந்து நம்மை காப்பாற்றிக் கொள்ளலாம்.