என் மலர்

    வழிபாடு

    சாமிதோப்பு
    X
    சாமிதோப்பு

    சாமிதோப்பு தலைமைப்பதியில் கார்த்திகை திரு ஏடு வாசிப்பு விழா 3-ந்தேதி தொடங்குகிறது

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    சாமிதோப்பு தலைமைப்பதியில் விழா நடைபெறும் நாட்களில் காலை-மாலை பணி விடையும் பகலில் உச்சி படிப்பும் மாலையில் திருஏடு வாசிப்பும் இரவு வாகன பவனியும் தொடர்ந்து அன்னதானமும் நடைபெறுகிறது.
    குமரி மாவட்டத்தில் பிரசித்தி பெற்ற திருத்தலங்களில் சாமிதோப்பு அய்யா வைகுண்டசாமி தலைமைப் பதியும் ஒன்றாகும். இங்கு வருடந்தோறும் கார்த்திகை மாதம் அய்யா வைகுண்ட சுவாமி தன்னுடைய சீடர்களுக்கு சொன்ன அறிவுரைகள் மற்றும் அருள்வாக்குகளை ஏடாக வாசிப்பது வழக்கம். அந்த வகையில் இந்த வருட திரு ஏடுவாசிப்புத் திருவிழா வருகிற 3-ந்தேதி (வெள்ளிக்கிழமை) மாலை துவங்குகிறது.

    திருஏடு வாசிப்பு விழாவின் முதல் நாளை முன்னிட்டு அதிகாலை 4 மணிக்கு முத்திரி பதமிடுதலும், தொடர்ந்து பணிவிடையும் நடைபெறுகிறது. பகல் 12 மணிக்கு உச்சிப்படிப்பும், மாலை 5 மணிக்கு அய்யாவுக்கு சிறப்பு பணிவிடையும் தொடர்ந்து திருஏடு வாசிப்பு துவங்கும் நிகழ்ச்சியும் நடைபெறுகிறது.

    திரு ஏடு வாசிப்பு நிகழ்ச்சியினை பால. ஜனாதிபதி துவக்கி வைக்கிறார். பால. லோகாதிபதி, வக்கீல் யுகேந்த், டாக்டர் வைகுந்த் ஆகியோர் முன்னிலை வகிக்கின்றனர். இரவு 8 மணிக்கு வாகன பவனியும் அதனைத் தொடர்ந்து அன்னதானமும் நடைபெறுகிறது. திரு ஏடு வாசிப்பு திருவிழா தொடர்ந்து 17 நாட்கள் நடைபெறுகிறது.

    விழாவின் பதினைந்தாம் நாள் வருகிற 17-ந்தேதி வெள்ளிக்கிழமை திருக்கல்யாண திருவிழா நடைபெறுகிறது. அன்று அய்யா வைகுண்ட சுவாமி அம்மையாரை திருமணம் செய்யும் நிகழ்ச்சி திருஏடாக வாசிக்கப்படுகிறது. அன்று பெண்கள் திருமண சீர்வரிசையாக இனிப்புகள், பலகாரங்கள், பழங்கள் அடங்கிய பொருட்களை சுருள்களாக படைத்து அய்யாவை வழிபடுவது வழக்கம். பின்னர் பக்தர்களுக்கு கல்யாண சீர்வரிசை, இனிமமும், அன்னதானமும் வழங்கப்படுகிறது.

    விழாவின் நிறைவு நாளான வருகிற 19-ந்தேதி ஞாயிற்றுக்கிழமை பட்டாபிஷேக திருஏடு வாசிப்பு நடைபெறுகிறது. அன்று மாலை 5 மணிக்கு அய்யா வைகுண்ட சாமிக்கு பட்டாபிஷேகம் செய்து வைக்கும் நிகழ்ச்சி நடைபெறுகிறது. இரவு அன்னதானமும் நடைபெறுகிறது.

    விழா நடைபெறும் நாட்களில் காலை-மாலை பணி விடையும் பகலில் உச்சி படிப்பும் மாலையில் திருஏடு வாசிப்பும் இரவு வாகன பவனியும் தொடர்ந்து அன்னதானமும் நடைபெறுகிறது.

    Next Story
    ×