search icon
என் மலர்tooltip icon

    இது புதுசு

    முற்றிலும் புது ஹூண்டாய் டக்சன் முன்பதிவு துவக்கம் - வெளியீடு எப்போ தெரியுமா?
    X

    முற்றிலும் புது ஹூண்டாய் டக்சன் முன்பதிவு துவக்கம் - வெளியீடு எப்போ தெரியுமா?

    • ஹூண்டாய் நிறுவனத்தின் புது தலைமுறை டக்சன் மாடல் அம்சங்கள் ஏற்கனவே வெளியாகி உள்ளன.
    • இந்த மாடலுக்கான முன்பதிவு அப்டேட் வெளியாகி உள்ளது.

    ஹூண்டாய் இந்தியா நிறுவனம் முற்றிலும் புதிய டக்சன் மாடலுக்கான முன்பதிவை துவங்கி இருக்கிறது. புது ஹூண்டாய் டக்சன் மாடலுக்கான முன்பதிவு கட்டணம் ரூ. 50 ஆயிரம் ஆகும். இந்திய சந்தையில் புதிய ஹூண்டாய் டக்சன் மாடல் ஆகஸ்ட் மாதத்தின் முதல் வாரத்தில் அறிமுகம் செய்யப்பட உள்ளது.

    புதிய ஹூண்டாய் டக்சன் மாடல் பெட்ரோல் மற்றும் டீசல் என்ஜின் ஆப்ஷன்களில் கிடைக்கிறது. இதன் பெட்ரோல் மற்றும் டீசல் என்ஜின்கள் தற்போது 2.0 லிட்டர் வடிவில் வழங்கப்பட்டுள்ளன. இவை 154 ஹெச்.பி. பவர், 192 நியூட்டன் மீட்டர் டார்க் இழுவிசையை வெளிப்படுத்துகிறது. டீசல் என்ஜின் 184 ஹெச்.பி. பவர், 416 நியூட்டன் மீட்டர் டார்க் இழுவிசையை வெளிப்படுத்துகிறது.


    2022 டக்சன் மாடலில் ஹூண்டாய் நிறுவனத்தின் சென்சுயல் ஸ்போர்டினஸ் டிசைன் பின்பற்றப்பட்டு இருக்கிறது. முன்புறம் பெரிய கிரில் மற்றும் பாராமெட்ரிக் ஜூவல் பேட்டன் உள்ளது. இத்துடன் எல்.இ.டி. டேடைம் ரன்னிங் லைட்கள் உள்ளன.

    ஹெட்லைட்கள் கிரில்-மீது இரு புறங்களின் ஓரத்தில் செங்குத்தாக உள்ளது. முன்புறம் செண்ட்ரல் ஏர் டேம் மற்றும் சில்வர் ஃபாக்ஸ் பாஷ் பிளேட் உள்ளது. புதிய டக்சன் மாடலின் இந்திய வேரியண்ட்டில் 18 இன்ச் அலாய் வீல்கள், டெயில் லைட்கள், வழங்கப்பட்டுள்ளன.

    Next Story
    ×