என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
கார்
X
வரலாற்றில் முதன்முறையாக பெட்ரோல் கார் விற்பனையை முந்திய மின்சார கார்கள்
Byமாலை மலர்3 April 2022 5:30 AM GMT (Updated: 2 April 2022 11:11 AM GMT)
கடந்த காலாண்டில் விற்பனையான கார்களில் 40 சதவீத புதிய கார்கள் மின்சாரம் அல்லது ஹைப்ரிட் வகை கார்களாகவே இருந்துள்ளன.
உலகம் முழுவதும் பெட்ரோல், டீசல் விலை உயர்வை தொடர்ந்து மின்சார வாகனங்களை வாங்குவதில் மக்கள் ஆர்வம் காட்ட தொடங்கியுள்ளனர்.
பெரும் ஆட்டோமொபைல் நிறுவனங்களும் மின்சார வாகனங்களை தயாரித்து புதிய புதிய மாடல்களை சந்தையில் அறிமுகம் செய்கின்றன. ஏற்கனவே பெட்ரோல், டீசலில் உற்பத்தி செய்யப்பட்ட மாடலில் மின்சார வெர்ஷனையும் நிறுவனங்கள் தயாரித்து வருகின்றன.
இந்நிலையில் பிரான்ஸ் நாட்டில் முதல் முதலாக பெட்ரோல் வாகனங்களை விட மின்சார வாகனங்களின் விற்பனை அதிகரித்து சாதனை படைத்துள்ளது.
குறிப்பாக இந்த ஆண்டு ஜனவரி முதல் பிரான்ஸ் நாட்டில் மின்சார வாகனங்கள்ள் விற்பனை தொடர்ந்து உயர்ந்து வருகிறது. அரசாங்கமும் மானியம் உள்ளிட்டவற்றை வழங்கி வருவதால் மக்கள் மின்சார வாகனங்களில் அதிகம் ஆர்வம் செலுத்த தொடங்கியுள்ளனர்.
கடந்த காலாண்டில் விற்பனையான கார்களில் 40 சதவீத புதிய கார்கள் மின்சாரம் அல்லது ஹைப்ரிட் வகை கார்களாகவே இருந்துள்ளன. 38 வகை கார்கள் பெட்ரோல் வகை மாடல்களாக இருந்துள்ளன.
கடந்த மாதம் அதிகம் விற்ற மின்சார கார்களின் முதலிடத்தில் டெஸ்லா மாடல் 3 இருந்துள்ளது, ரெனால்டின் டாசியா, ஸ்டெல்லாண்டிஸின் பியேகியாட் 208 ஆகியவை அடுத்தடுத்த இடங்களில் உள்ளன. பிரான்ஸில் உள்நாட்டு தயாரிப்பாக சிட்ரியான், ஜெர்மன் கார் தயாரிப்புகளான பிஎம்டபில்யூ, ஆடி, மெர்சடிஸ் ஆகியவற்றின் கார்களும் அதிகம் விற்கப்பட்டுள்ளன.
மேலும் பிரான்சில் புதிய கார்கள் விற்பனை கடந்த காலாண்டில் 20 சதவீதம் வரை சரிவை சந்தித்துள்ளது. இதற்கு காரணம் உலகம் முழுவதும் ஏற்பட்டுள்ள செமி கண்டெக்டர்கள் சிப் பற்றாக்குறை தான் என கூறப்படுகிறது.
ஃபிரான்ஸில் பெட்ரோல் கார் விற்பனையை மின்சார வாகனங்கள் முந்தினாலும் அந்நாட்டில் டீசல் வாகனங்களே அதிகம் விற்கப்பட்டு வருகின்றன. கிட்டதட்ட 16.5 சதவீதம் சந்தை பங்கை டீசல் கார்கள் முதல் காலாண்டில் வைத்திருந்தன. தற்போதும் வைத்துள்ளன. ஆனால் இன்னும் 3 ஆண்டுகளில் மின்சார கார் விற்பனை டீசல் கார்களையும் முந்தி செல்லும் என எதிர்பார்க்கப்படுகிறது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X