டிவிஎஸ் மோட்டார் கம்பெனி நிறுவனம் 2020 டிசம்பர் மாத விற்பனையில் 13 சதவீதம் வளர்ச்சியை பதிவு செய்து உள்ளது. டிசம்பர் மாதத்தில் மட்டும் டிவிஎஸ் நிறுவனம் 1.76 லட்சம் மோட்டார்சைக்கிள் மற்றும் ஸ்கூட்டர்களை விற்பனை செய்து இருக்கிறது.
முன்னதாக 2019 டிசம்பர் மாதத்தில் டிவிஎஸ் நிறுவனம் 1.57 லட்சம் இருசக்கர வாகனங்களை விற்பனை செய்து இருந்தது. 2020 டிசம்பரில் டிவிஎஸ் நிறுவனம் 81,327 யூனிட்களை ஏற்றுமதி செய்து இருந்தது. இது 2019 டிசம்பருடன் ஒப்பிடும் போது 39 சதவீதம் வளர்ச்சியை பதிவு செய்து உள்ளது.
2019 டிசம்பரில் டிவிஎஸ் நிறுவனம் 58,375 இருசக்கர வாகனங்களை ஏற்றுமதி செய்து இருந்தது குறிப்பிடத்தக்கது. அந்த வகையில் டிவிஎஸ் மோட்டார்சைக்கிள் விற்பனை 2019 டிசம்பருடன் ஒப்பிடும் போது 27 சதவீதம் வளர்ச்சியை பதிவு செய்து இருக்கிறது.
ஸ்கூட்டர் விற்பனை பொருத்தவரை 2019 டிசம்பர் மாதத்தில் டிவிஎஸ் நிறுவனம் 74,716 யூனிட்களையும், 2020 டிசம்பரில் 77,705 யூனிட்களை விற்பனை செய்து இருக்கிறது. இதில் டிவிஎஸ் ஜூப்பிட்டர் மற்றும் என்டார்க் 125 போன்ற மாடல்கள் அதிகம் விற்பனையாகி இருக்கின்றன.
