search icon
என் மலர்tooltip icon

    ஆட்டோமொபைல்

    நெக்சான் இ.வி.
    X
    நெக்சான் இ.வி.

    டீசல் வேரியண்டிற்கு இணையான வரவேற்பு பெறும் நெக்சான் இ.வி.

    டாடா மோட்டார்ஸ் நிறுவனம் இந்திய சந்தையில் பத்து எலெக்ட்ரிக் கார்களை அறிமுகம் செய்ய திட்டமிட்டு இருக்கிறது.


    டாடா மோட்டார்ஸ் நிறுவனத்தின் நெக்சான் இ.வி. மாடல் இந்திய சந்தையில் நல்ல வரவேற்பை பெற்று வருகிறது. தற்போது விற்பனை செய்யப்பட்டு வரும் பகுதிகளில் நெக்சான் இ.வி. மாடல் அதன் டீசல் வேரியண்டிற்கு இணையான வரவேற்பை பெற்று வருகிறது. 

    முன்னதாக ஜூன் மாத வாக்கில் நெக்சான் இ.வி. மாடல் 650 யூனிட்கள் விற்பனையாகி இருந்தது. இத்துடன் 2021 ஏப்ரல் முதல் ஜூன் மாதம் வரையிலான காலாண்டில் நெக்சான் இ.வி. மொத்தத்தில் 1715 யூனிட்கள் விற்பனையானது. 

     நெக்சான் இ.வி.

    பெட்ரோல் மற்றும் டீசல் விலை உயர்வு காரணமாக பலர் எலெக்ட்ரிக் மாடல்களை வாங்க துவங்கி இருக்கின்றனர். மேலும் இந்தியாவில் எலெக்ட்ரிக் வாகனங்களுக்கு பேம் 2 திட்டத்தின் கீழ் அதிரடி சலுகைகள் அறிவிக்கப்பட்டதை தொடர்ந்து நெக்சான் இ.வி. மாடலுக்கான தட்டுப்பாடு மேலும் அதிகரித்து இருக்கிறது. 

    2025 வாக்கில் இந்திய சந்தையில் பத்து எலெக்ட்ரிக் கார்களை அறிமுகம் செய்ய டாடா மோட்டார்ஸ் திட்டமிட்டு இருக்கிறது. இத்துடன் சார்ஜிங் சார்ந்த உள்கட்டமைப்புகளில் முதலீடு செய்யவும் அந்நிறுவனம் திட்டமிட்டுள்ளது.

    Next Story
    ×