மிக விரைவில் விற்பனைக்கு வரும் ஒன்பிளஸ் 10R பிரைம் புளூ எடிஷன்

ஒன்பிளஸ் நிறுவனம் தனது ஒன்பிளஸ் 10R ஸ்மார்ட்போனின் பிரைம் புளூ எடிஷன் வெளியீட்டை கடந்த வாரம் உறுதிப்படுத்தி இருந்தது. இந்தியாவில் அறிமுகம் செய்யப்பட்டதில் இருந்து ஒன்பிளஸ் 10R மாடல் சியரா பிளாக் மற்றும் பாரஸ்ட் கிரீன் என இரண்டு நிறங்களில் மட்டுமே விற்பனை செய்யப்பட்டு வந்தது. தற்போது ஒன்பிளஸ் தனது ட்விட்டர் தளத்தில் ஒன்பிளஸ் 10R பிரைம் புளு எடிஷன் வெளியீட்டு தேதியை அறிவித்து உள்ளது.

அதன்படி இந்திய சந்தையில் புதிய ஒன்பிளஸ் 10R பிரைம் புளூ எடிஷன் ஸ்மார்ட்போன் செப்டம்பர் 22 ஆம் தேதி விற்பனைக்கு வருகிறது. இந்த ஸ்மார்ட்போன் அமேசான் தளத்தில் மட்டும் பிரத்யேகமாக விற்பனை செய்யப்பட இருக்கிறது. அமேசான் கிரேட் இந்தியன் பெஸ்டிவல் சேலின் போது இந்த மாடல் விற்பனைக்கு வருகிறது. அமேசான் மட்டுமின்றி ஒன்பிளஸ் அதிகாரப்பூர்வ வலைதளம் மற்றும் ஒன்பிளஸ் ஸ்டோர்களிலும் இந்த ஸ்மார்ட்போன் விற்பனை செய்யப்படும் என தெரிகிறது.

இந்தியாவில் ஒன்பிளஸ் 10R ஸ்மார்ட்போன் இருவித பேட்டரி ஆப்ஷன்களில் விற்பனை செய்யப்படுகிறது. இதன் 4800 எம்ஏஹெச் பேட்டரி கொண்ட வேரியண்ட் 12 ஜிபி ரேம், 256 ஜிபி மெமரி ஆப்ஷன் கொண்டிருக்கிறது. இத்துடன் 150 வாட் சூப்பர் வூக் பாஸ்ட் சார்ஜிங் வசதி கொண்டிருக்கிறது. இதன் விலை ரூ. 43 ஆயிரத்து 999 ஆகும்.

ஒன்பிளஸ் 10R ஸ்மார்ட்போனின் 5000 எம்ஏஹெச் பேட்டரி கொண்ட வெர்ஷன் 8 ஜிபி ரேம், 128 ஜிபி மெமரி மற்றும் 12 ஜிபி ரேம், 256 ஜிபி மெமரி என இருவித ஆப்ஷன்களில் கிடைக்கிறது. இரு வெர்ஷன்களிலும் 80 வாட் சார்ஜிங் வசதி உள்ளது. இந்த ஸ்மார்ட்போன்களின் விலை முறையே ரூ. 38 ஆயிரத்து 999 மற்றும் ரூ. 42 ஆயிரத்து 999 என நிர்ணயம் செய்யப்பட்டு உள்ளது.

புதிய பிரைம் புளூ எடிஷன் ஒன்பிளஸ் 10R அனைத்து வேரியண்ட்களிலும் கிடைக்குமா என்பது கேள்விக்குறியாகவே உள்ளது. இந்த ஸ்மார்ட்போன் 6.7 இன்ச் AMOLED ஸ்கிரீன், 120Hz ரிப்ரெஷ் ரேட், ஆண்ட்ராய்டு 12 சார்ந்த ஆக்சிஜன் ஒஎஸ் 12, இன் டிஸ்ப்ளே கைரேகை சென்சார், டிமென்சிட்டி 8100 மேக்ஸ் பிராசஸர், 50MP பிரைமரி கேமரா, 8MP அல்ட்ரா வைடு கேமரா, 2MP மேக்ரோ கேமரா மற்றும் 16MP செல்பி கேமரா வழங்கப்பட்டு இருக்கிறது.