மொபைல்ஸ்

விலை ரூ. 6 ஆயிரம் தான் - வேற லெவல் ஸ்மார்ட்போன் அறிமுகம்

Update: 2022-08-09 06:53 GMT
  • இன்பினிக்ஸ் நிறுவனத்தின் புதிய ஸ்மார்ட்போன் மாடல் ஆண்ட்ராய்டு 11 கோ எடிஷன் ஓ.எஸ். கொண்டிருக்கிறது.
  • புதிய இன்பினிக்ஸ் ஸ்மார்ட்போன் 2 ஜிபி விர்ச்சுவல் ரேம் கொண்டுள்ளது.

இன்பினிக்ஸ் நிறுவனம் இந்திய சந்தையில் ஸ்மார்ட் 6 HD ஸ்மார்ட்போனினை அறிமுகம் செய்தது. இது இன்பினிக்ஸ் நிறுவனத்தின் பட்ஜெட் விலை ஸ்மார்ட்போன் ஆகும். இதில் 6.6 இன்ச் HD பிளஸ் ஸ்கிரீன், மீடியாடெக் ஹீலியோ ஏ22 பிராசஸர், 2 ஜிபி ரேம், 2 ஜிபி விர்ச்சுவல் ரேம், ஆண்ட்ராய்டு 11 கோ எடிஷன் மற்றும் 5000 எம்ஏஹெச் பேட்டரி வழங்கப்பட்டு இருக்கிறது.

புகைப்படங்களை எடுக்க 8MP பிரைமரி கேமரா, 5MP செல்பி கேமரா வழங்கப்பட்டுள்ளது. இத்துடன் 32 ஜிபி மெமரி உள்ளது. இதில் கைரேகை சென்சார் வழங்கப்படவில்லை. மாறாக ஃபேஸ் அன்லாக் வசதி வழங்கப்பட்டு இருக்கிறது.


இன்பினிக்ஸ் ஸ்மார்ட் 6 HD அம்சங்கள்:

- 6.6 இன்ச் 1600x720 பிக்சல் HD+ ஸ்கிரீன், 500 நிட்ஸ் பிரைட்னஸ்

- பாண்டா MN228 கிளாஸ் பாதுகாப்பு

- 2GHz குவாட் கோர் மீடியாடெக் ஹீலியோ ஏ22 பிராசஸர்

- IMG PowerVR GE-class GPU

- 2 ஜிபி LPDDR4X ரேம் (+ 2 ஜிபி விர்ச்சுவல் ரேம்)

- 32 ஜிபி மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 11 கோ எடிஷன் மற்றும் XOS 7.6

- டூயல் சிம் ஸ்லாட்

- 8MP பிரைமரி கேமரா, f/2.0, டூயல் எல்இடி பிளாஷ்

- 5MP செல்பி கேமரா, எல்இடி பிளாஷ்

- பேஸ் அன்லாக்

- டூயல் 4ஜி வோல்ட்இ, வைபை, ப்ளூடூத் 5

- மைக்ரோ யுஎஸ்பி

- 5000 எம்ஏஹெச் பேட்டரி

- 10 வாட் சார்ஜிங்

இன்பினிக்ஸ் ஸ்மார்ட் 6 HD ஸ்மார்ட்போன் அக்வா ஸ்கை, போர்ஸ் பிளாக் மற்றும் ஒரிஜின் புளூ நிறங்களில் கிடைக்கிறது. இதன் விலை அறிமுக சலுகையாக ரூ. 6 ஆயிரத்து 799 என நிர்ணயம் செய்யப்பட்டு உள்ளது. விற்பனை ஆகஸ்ட் 12 ஆம் தேதி ப்ளிப்கார்ட் தளத்தில் துவங்க இருக்கிறது.

Tags:    

Similar News