உங்கள் பொருளாதாரத்தை அழித்து விடுவோம் - இந்தியாவுக்கு அமெரிக்க எம்.பி. பகிரங்க மிரட்டல்

உக்ரைன் மீது போர் நடத்தி வருவதால் ரஷியா மீது அமெரிக்கா உள்ளிட்ட மேற்கத்திய நாடுகளின் பொருளாதார தடை அமலில் உள்ளது.

இருப்பினும் இந்தியா, சீனா, பிரேசில் உள்ளிட்ட நாடுகள் ரஷியாவிடம் கச்சா எண்ணெய் வாங்கி வருகிறது. இந்த வர்த்தகத்தின் மூலம் கிடைக்கும் பணத்தை கொண்டு ரஷியா போரை நீட்டித்து வருவதாக அமெரிக்க அதிபர் டிரம்ப் குற்றம்சாட்டி வருகிறார்.

இந்நிலையில், டிரம்ப் உடைய அமைச்சரவையில் இடம்பெற்றுள்ள எம்.பி. லிண்ட்சே கிரகாம் புதிய மிரட்டல் ஒன்றை  விடுத்துள்ளார்.

அமெரிக்க செய்தி நிறுவனத்திற்கு அவர் அளித்த பேட்டியில், ரஷியாவிடமிருந்து கச்சா எண்ணெய் வாங்கும் சீனா, இந்தியா, பிரேசில் போன்ற நாடுகளுக்கு அதிபர் டிரம்ப் 100 சதவீதம் வரி விதிக்க உள்ளார்.

இந்தியா, சீனா, பிரேசில் போன்ற நாடுகளுக்கு நான் கூறுவது என்னவென்றால், நீங்கள் தொடர்ந்து ரஷியாவிடமிருந்து மலிவு விலையில் கச்சா எண்ணெய் வாங்கி உக்ரைன் போர் நீடிக்க அனுமதித்தால் உங்கள் பொருளாதாரத்தை நாங்கள்  அழித்து விடுவோம்' என்று தெரிவித்தார்.