சோமாலியா தலைநகரில் இரட்டை குண்டு வெடிப்பில் 10 பேர் பலி

மொகடிஷு:

சோமாலியா தலைநகர் மொகடிஷுவில் சஹாபி என்ற பிரபல உணவகம் அமைந்துள்ளது. இன்று அந்த உணவகத்தின் அருகே இரட்டை குண்டு வெடிப்பு தாக்குதல் நடைபெற்றது.

இந்த வெடிகுண்டு தாக்குதலில் அப்பாவி பொதுமக்கள் மற்றும் பாதுகாப்பு பணியில் இருந்த காவலர்கள் உடல் சிதறி பரிதாபமாக பலியாகினர். இதில் மேலும் பலர் படுகாயம் அடைந்துள்ளனர்.

தகவலறிந்து வந்த மீட்புக் குழுவினர் காயம் அடைந்தவர்களை மீட்டு மருத்துவமனைக்கு அனுப்பி வைத்து சிகிச்சை அளித்து வருகின்றனர்.

சிலர் உயிருக்கு ஆபத்தான நிலையில் இருப்பதால் பலி எண்ணிக்கை அதிகரிக்கலாம் என மீட்புக்குழு அதிகாரிகள் தெரிவித்தனர். 

#SomaliaTwinBlast