செய்திகள்
பெண்களுடன் ஓட்டலுக்கு சென்று சாப்பிட்டு பில் கொடுக்காமல் டிமிக்கி - 13 ஆண்டு சிறையை எதிர்நோக்கும் நபர்
டேட்டிங் ஆப் மூலமாக பல பெண்களை கவர்ந்து அவர்களை உணவகத்துக்கு அழைத்து அங்கு சாப்பிட்ட பின்னர், பில் கொடுக்காமல் தப்பித்துச் செல்லும் நபர் போலீசில் சிக்கி தண்டனையை எதிர்நோக்கியுள்ளார்.
நியூயார்க்:
அமெரிக்காவின் லாஸ் ஏஞ்சல்ஸ் மாநிலத்தை சேர்ந்த 45 வயதான பால் கோன்ஸாலெஸ் என்ற நபர் டேட்டிங் ஆப்ஸ் மூலமாக பெண்களை பேசி மயக்கி பின்னர் அவர்களுக்கு விருந்து தருவதாக கூறி, ஓட்டலுக்கு அழைத்துச் செல்வார். நன்றாக சாப்பிட்ட பின்னர் அந்த பெண்ணை தனியாக கழட்டிவிட்டு அங்கிருந்து தப்பிக்கும் வழக்கத்தை பால் கொண்டுள்ளார்.
சுமார் 8 பெண்களை இவ்வாறு பால் ஏமாற்றியுள்ளார். இந்திய மதிப்பில் சுமார் 67 ஆயிரம் வரை இது போல நூதனமாக ஏமாற்றிய அவரை ஓட்டல் கேமராக்கள் மூலமாக போலீசார் பிடித்தனர். தற்போது கோர்ட்டில் நடந்து வரும் இந்த வழக்கில் பால் தண்டிக்கப்பட்டால் அவருக்கு 13 ஆண்டுகள் வரை சிறை தண்டனை விதிக்க வாய்ப்பு உள்ளது.