இறுதி வாக்காளர் பட்டியல் வெளியீடு- திருப்பூர் மாவட்டத்தில் 22 லட்சத்து 8 ஆயிரத்து 921 வாக்காளர்கள்

திருப்பூர்:

திருப்பூர் கலெக்டர் அலுவலகத்தில் கலெக்டர் டாக்டர் கே.எஸ்.பழனிசாமி இன்று வாக்காளர் இறுதி பட்டியலை வெளியிட்டார். அதை மாவட்ட வருவாய் அதிகாரி பிரசன்னா ராமசாமி, சப்-கலெக்டர் ‌ஷரவன் குமார் ஆகியோர் பெற்றுக்கொண்டனர்.

திருப்பூர் மாவட்டத்தில் தாராபுரம் (தனி), காங்கயம், அவினாசி (தனி), திருப்பூர் (வடக்கு), திருப்பூர் (தெற்கு), பல்லடம், உடுமலைப்பேட்டை, மடத்துக்குளம் ஆகிய 8 சட்டமன்ற தொகுதிகள் உள்ளன. 8 தொகுதிகளிலும் 11 லட்சத்து 60 ஆண் வாக்காளர்களும், 11 லட்சத்து 8 ஆயிரத்து 617 பெண் வாக்காளர்களும், மூன்றாம் பாலினத்தவர் 244 வாக்காளர்களும் என மொத்தம் 22 லட்சத்து 8 ஆயிரத்து 921 வாக்காளர்கள் உள்ளனர். இவர்கள் வாக்களிக்க வசதியாக 2482 வாக்குசாவடிகள் அமைக்கப்படுகிறது. #FinalVotersList