பிரெஞ்சு ஓபன் டென்னிஸ்: தியாபே, முசெட்டி முதல் சுற்றில் வெற்றி

பாரீஸ்:

கிராண்ட்ஸ்லாம் என்ற உயரிய அந்தஸ்து பெற்ற டென்னிஸ் போட்டிகளில் ஒன்று பிரெஞ்சு ஓபன் தொடராகும். இந்த ஆண்டுக்கான பிரெஞ்சு ஓபன் டென்னிஸ் தொடர் பிரான்ஸ் தலைநகர் பாரீசில் நடந்து வருகிறது.

இந்நிலையில், ஆண்கள் ஒற்றையர் பிரிவு முதல் சுற்றில் இத்தாலியின் லாரன்சோ முசெட்டி, ஜெர்மனியின் ஹான்மன் உடன் மோதினார்.

இதில் சிறப்பாக ஆடிய முசெட்டி 7-5, 6-2, 6-0 என்ற செட் கணக்கில் வென்று அடுத்த சுற்றுக்கு முன்னேறினார்.

மற்றொரு போட்டியில் அமெரிக்காவின் பிரான்சிஸ் டியாபே 6-4, 7-5, 6-4 என்ற செட் கணக்கில் ரஷியாவின் ரோமன் சபியுலினை வென்றார்.