மாண்டே கார்லோ மாஸ்டர்ஸ்: முதல் சுற்றில் மெத்வதேவ், முல்லர் வெற்றி

மாண்டே கார்லோ:

மாண்டே கார்லோ மாஸ்டர்ஸ் சர்வதேச டென்னிஸ் போட்டி மொனாக்கோவில் நடைபெறுகிறது. இதில் முன்னணி வீரர்கள் பங்கேற்று விளையாடி வருகின்றனர்.

ஆண்கள் ஒற்றையர் பிரிவில் பிரான்சின் அலெக்சாண்ட்ரே முல்லர், அர்ஜெண்டினாவின் யூகோ கேராபெல் உடன் மோதினார்.

இதில் முல்லர் 6-4, 6-4 என்ற செட் கணக்கில் எளிதில் வென்று அடுத்த சுற்றுக்கு முன்னேறினார்.

மற்றொரு போட்டியில் ரஷியாவின் டேனில் மெத்வதேவ், சக நாட்டு வீரரான கரன் கச்சனாவ் உடன் மோதினார்.

இதில் முதல் செட்டை 7-5 என மெத்வதேவும், 2வது செட்டை 6-4 என கச்சனாவும் வென்றனர். வெற்றியாளரை நிர்ணயிக்கும் 3வது செட்டை மெத்வதேவ் 6- 4 என கைப்பற்றி அடுத்த சுற்றுக்கு முன்னேறினார்.

நாளை நடைபெறும் 2வது சுற்றில் மெத்வதேவ், முல்லரை சந்திக்கிறார்.