ஆசிய விளையாட்டு போட்டி: கபடி, கிரிக்கெட்டில் தங்கம் வென்று இந்தியா அசத்தல்- பதக்கம் 107ஆனது! லைவ் அப்டேட்ஸ்

பேட்மிண்டனில் இந்தியாவின் கிடாம்பி ஸ்ரீகாந்த் 21-10, 21-9 என்ற செட் கணக்கில் வென்று அடுத்த சுற்றுக்கு முன்னேறினார்.

ஹாக்கி ஆண்கள் பிரிவில் இந்திய அணி கடைசி லீக் ஆட்டத்தில் வங்காளதேசத்துடன் மோதி வருகிறது. முதல் பாதியில் இந்தியா கோல் மழை பொழிந்து வருகிறது.

வில்வித்தையில் காம்பவுண்ட் பெண்கள் தனிநபர் பிரிவில் இந்தியாவின் ஜோதி சுரேகா வெண்ணாம், அதிதி ஸ்வாமி ஆகியோர் காலிறுதிக்கு தகுதி பெற்றனர். நாளை காலிறுதி மற்றும் அரையிறுதி ஆட்டங்கள் நடைபெறுகின்றன.

வில்வித்தையில் காம்பவுண்ட் ஆண்கள் தனிநபர் பிரிவில் இந்தியாவின் பிரவின் ஓஜஸ், அபிஷேக் வர்மா ஆகியோர் காலிறுதிக்கு தகுதி பெற்றனர். நாளை காலிறுதி மற்றும் அரையிறுதி ஆட்டங்கள் நடைபெறுகின்றன.

டேபிள் டென்னிஸ் பிரிவில் இந்தியாவின் முகர்ஜி சகோதரிகள், தென் கொரிய வீராங்கனைகளுடன் மோதினர். இதில் 3-4 என்ற கணக்கில் தோற்று இறுதிப்போட்டிக்கு முன்னேறும் வாய்ப்பை தவறவிட்டனர்.

பேட்மிண்டன் கலப்பு இரட்டையர் பிரிவில் இந்தியாவின் தனிஷா கிரஸ்டோ, சாய் பிரதீக் ஜோடி, மகாவ், சீன ஜோடியை 21-18, 21-14 என்ற செட் கணக்கில் வென்று காலிறுதிக்கு முந்தைய சுற்றுக்கு முன்னேறியது.

நாளை காலை 6.30 மணிக்கு நடைபெறும் காலிறுதி போட்டியில் இந்திய ஆண்கள் அணி நேபாள அணியை எதிர்கொள்கிறது.

தடகளம்: பெண்களுக்கான 400 மீட்டர் தடை ஓட்டத்தில் வித்யா ராம்ராஜ் பி.டி.உஷாவின் தேசிய சாதனையை (55.42 வி.) சமன் செய்துள்ளார். போட்டியில் முதலிடம்பெற்று இறுதி போட்டிக்கு முன்னேறியுள்ளார்.

தடகளம்:

தடகளம் ஆண்கள் 400 மீட்ட தடை ஓட்டம் ரவுண்ட் 1 - ஹீட் 1 தகுதி சுற்று போட்டியில் இந்திய வீரர் சந்தோஷ்குமார் தமிழரசன் 2ம் இடம் பிடித்தார். இதே போட்டியில் ரவுண்ட் 1 - ஹீட் 3 தகுதி சுற்று போட்டியில் மற்றொரு இந்திய வீரர் யாஷஷ் பலக்‌ஷா 2ம் இடம் பிடித்தார். இதன் மூலம் தடகளம் ஆண்கள் 400 மீட்ட தடை ஓட்டம் இறுதிப்போட்டிக்கு இந்திய வீரர்கள் தமிழரசன், பலக்‌ஷா நேரடியாக தகுதி பெற்றனர்.

ஆண்களுக்கான உயரம் தாண்டுதலில் சந்தேஷ் ஜெஸ்ஸி, சர்வேஷ் குஷாரே இருவரும் இறுதி போட்டிக்கு முன்னேறியுள்ளனர்.