ஆசிய விளையாட்டு போட்டி: கபடி, கிரிக்கெட்டில் தங்கம் வென்று இந்தியா அசத்தல்- பதக்கம் 107ஆனது! லைவ் அப்டேட்ஸ்

தடகளம்:

800 மீட்டர் ஓட்டத்தில் இந்திய வீரர்கள் முகமது அப்சல் மற்றும் கிரிஷன் குமார் இருவரும் இறுதி போட்டிக்கு முன்னேறியுள்ளனர். முகமது அஃப்சல் 1:46.79 ஹீட் நேரத்தில் கடந்து முதலிடமும் கிரிஷன் குமார் தனது ஹீட்டில் 1:49.45 நேரத்தில் 2வது இடத்தையும் பிடித்தார்.

ரோலர் ஸ்கேட்டிங்:

ரோலர் ஸ்கேட்டிங் ஆண்களுக்கான 3000 மீட்டர் ரிலே பந்தயத்தில் ஆர்யன்பால், ஆனந்த், சித்தாந்த் மற்றும் விக்ரம் ஆகியோர் அடங்கிய இந்திய அணி வெண்கலப்பதக்கம் வென்றது.

ரோலர் ஸ்கேட்டிங்:

ரோலர் ஸ்கேட்டிங் பெண்கள் ஸ்பீடு ஸ்கேட்டிங் 3000 மீட்டர் ரிலே ரேஸ் போட்டியில் இந்திய வீராங்கனைகளான ஆரத்தி கஸ்தூரி ராஜ், ஹீரல், சஞ்சனா மற்றும் கார்த்திகா ஆகியோர் வெண்கலம் வென்றனர்.

வில்வித்தை:

வில்வித்தை ரிகர்வ் கலப்பு குழு 1/8 எலிமினேட்டர் சுற்று போட்டி 3ல் இந்தியா- மலேசியா மோதின. இப்போட்டியில் மலேசியாவை 6-2 என்ற புள்ளி கணக்கில் வீழ்த்தி இந்தியா அபார வெற்றி பெற்றது. இந்திய அணியில் அங்கிதா, அதனுதாஸ் இடம்பெற்றிருந்தனர். இந்த வெற்றியின் மூலம் இந்தியா காலிறுதிக்கு தகுதி பெற்றுள்ளது.

ஆசிய விளையாட்டு தொடரின் 10வது நாளான இன்று பல்வேறு போட்டிகள் நடைபெற்று வருகிறது. 13 தங்கம், 21 வெள்ளி, 19 வெண்கலம் என மொத்தம் 53 பதக்கங்களுடன் இந்தியா பதக்க பட்டியலில் 4ம் இடத்தில் உள்ளது.

ஆசிய விளையாட்டில் இந்தியாவுக்கு இன்று மொத்தம் 15 பதக்கங்கள். இதில் 3 தங்கம், 7 வெள்ளி மற்றும் 5 வெண்கலம் அடங்கும். 

பேட்மிண்டன்:

ஆண்களுக்கான பேட்மிண்டன் போட்டியில் இந்திய அணிக்கு வெள்ளி பதக்கம் கிடைத்துள்ளது. ஆசிய விளையாட்டு பேட்மிண்டன் போட்டியில் இந்திய அணி வெள்ளி வென்றிருப்பது இதுவே முதல் முறை என்பது குறிப்பிடத்தக்கது. 

தடை ஓட்டம்:

100 மீட்டர் தடை ஓட்டம் போட்டியில் சீன வீராங்கனை தகுதிநீக்கம் செய்யப்பட்டதை தொடர்ந்து இந்தியாவின் ஜோதி யாராஜிக்கு வெள்ளி பதக்கம்.

வட்டு எறிதல்:

பெண்களுக்கான வட்டு எறிதல் போட்டியில் இந்தியாவின் சீமா புனியா வெண்கல பதக்கம் வென்று அசத்தல். 

நீளம் தாண்டுதல்:

நீளம் தாண்டுதலில் வெள்ளி பதக்கம் வென்றார் இந்தியாவின் முரளி ஸ்ரீசங்கர்.