TNPL 2025: பிளே ஆப் சுற்று ஆர்வத்தில் சேப்பாக் சூப்பர் கில்லீஸ்- சேலம் அணியுடன் நாளை மோதல்

சேலம்:

9-வது டி.என்.பி.எல். 20 ஓவர் கிரிக்கெட் போட்டி கோவையில் உள்ள எஸ்.என்.ஆர் கல்லூரி மைதானத்தில் கடந்த 5-ந்தேதி தொடங்கியது. 11-ந்தேதியுடன் அங்கு 7 போட்டிகள் முடிவடைந்தன.

13-ந்தேதி முதல் வாழப்பாடியில் உள்ள சேலம் கிரிக்கெட் பவுண்டேசன் மைதானத்தில் போட்டிகள் நடைபெற்று வருகிறது.

நேற்றுடன் 15 ஆட்டங்கள் முடிந்துள்ளன. 4 முறை சாம்பியனான சேப்பாக் சூப்பர் கில்லீஸ் 8 புள்ளி களுடன் முதல் இடத்தில் உள்ளது.சேலம் ஸ்பார் டன்ஸ் (6 புள்ளி) 2-வது இடத்தில் இருக்கிறது. திருப் பூர் தமிழன்ஸ், நெல்லை ராயல் கிங்ஸ், திண்டுக்கல் டிராகன்ஸ் தலா 4 புள்ளி களுடனும், திருச்சி கிராண்ட் சோழாஸ், மதுரை பாந்தர்ஸ் தலா 2 புள்ளிகளுடனும் உள்ளன. கோவை கிங்ஸ் தான் மோதிய 4 போட்டி களிலும் தோற்று புள்ளி எதுவும் பெறவில்லை.

நாளை இரவு 7.15 மணிக்கு நடைபெறும் 17- வது லீக் ஆட்டத்தில் சேப்பாக் சூப்பர் கில்லீஸ்- சேலம் ஸ்பார்டன்ஸ் அணிகள் மோதுகின்றன.

பாபா அபராஜித் தலைமையிலான சேப்பாக் சூப்பர் கில்லீஸ் அணி தான் மோதிய 4 ஆட்டங்களிலும் வெற்றி பெற்றது. திருப்பூரை 8 விக்கெட் வித்தியாசத்திலும். நெல்லையை 41 ரன்கள் வித்தியாசத்திலும், கோவை யை 8 விக்கெட் வித்தியா சத்திலும், திண்டுக்கல் டிராகன்சை 8 ரன்கள் வித்தியாசத்திலும் தோற்கடித்தது.

சேப்பாக் சூப்பர் கில்லீஸ் அணி சேலத்தை வீழ்த்தி 5-வது வெற்றியுடன் பிளே ஆப் சுற்றுக்கு நுழையும் ஆர்வத்தில் உள்ளது. அந்த அணியில் கேப்டன் பாபா அபராஜித் (222 ரன்), விஜய்சங்கர் (148 ரன், 4 விக்கெட்) ஆஷிக் ( 103 ரன்), அபிஷேக் தன்வர் ( 11 விக்கெட் ) , லோகேஷ் ராஜ் (7 விக்கெட்) சிலம்பரசன் ( 4 விக்கெட்) , ஸ்வப்னில் சிங் போன்ற சிறந்த வீரர் கள் உள்ளனர். சேப்பாக் சூப்பர் கில்லீஸ் பேட்டிங், பந்து வீச்சில் சமபலத்துடன் உள்ளது.

அபிஷேக் தலைமையிலான சேலம் ஸ்பார்டன்ஸ் அணி 3 ஆட்டத்தில் (மதுரை, திருச்சி, திருப்பூர்) வெற்றி பெற்றது. நெல்லையிடம் 8 விக்கெட் வித்தியாசத்தில் தோற்றது.

அந்த அணியில் ராஜ கோபால் (149 ரன்), ஹரி நிஷாந்த் எம்.முகமது (8 விக்கெட்) பொய்யாமொழி (5 விக்கெட்) போன்ற சிறந்த வீரர்கள் உள்ளனர்.

இன்று இரவு 7.15 மணிக்கு நடைபெறும். 16-வது ஆட்டத்தில் நெல்லை-மதுரை அணிகள் மோதுகின்றன. நெல்லை அணி 3-வது வெற்றி ஆர்வத்தில் உள்ளது. மதுரை அணி 2-வது வெற்றிக்காக காத்திருக்கிறது.