We Are Back.. இந்தியா வரும் வெஸ்ட் இண்டீஸ் வீரர்கள்- பிராவோ வெளியிட்ட வீடியோ வைரல்
- ஐபிஎல் தொடரின் எஞ்சிய போட்டிகள் வரும் 17-ம் தேதி முதல் மீண்டும் தொடங்கவுள்ளது.
- ஐபிஎல் தொடரில் பங்கேற்பதற்காக வெஸ்ட் இண்டீஸ் வீரர்களான பிராவோ உள்ளிட்ட 4 பேர் இந்திய வர உள்ளனர்.
இந்தியா- பாகிஸ்தான் இடையேயான போர் பதற்றம் காரணமாக இடை நிறுத்தப்பட்ட ஐபிஎல் தொடரின் எஞ்சிய போட்டிகள் வரும் 17-ம் தேதி முதல் மீண்டும் தொடங்கவுள்ளது. இதில் மே 17-ம் தேதி நடைபெறும் போட்டியில் ஆர்சிபி மற்றும் கேகேஆர் அணிகள் பலப்பரீட்சை நடத்தவுள்ளன.
ஒருபக்கம் ஐபிஎல் தொடர் மீண்டும் தொடங்க இருந்தாலும் வெளிநாட்டு வீரர்கள் எஞ்சியுள்ள போட்டிகளில் விளையாடுவதில் சிக்கல் ஏற்பட்டுள்ளது. ஏனெனில் பாதுகாப்பு காரணம் மற்றும் சர்வதேச போட்டிகள் காரணமாக வெளிநாட்டு வீரர்கள் இத்தொடரில் விளையாடுவார்காளா என்ற சந்தேகங்கள் உள்ளன.
இந்நிலையில் ஐபிஎல் தொடரில் பங்கேற்பதற்காக வெஸ்ட் இண்டீஸ் வீரர்களான பிராவோ, ரசல், சுனில் நரைன், செப்பேர்ட் ஆகியோர் இந்தியாவுக்கு வருகை தர உள்ளனர். இது குறித்து கொல்கத்தா அணியின் பந்து வீச்சாளரான பிராவோ வீடியோ வெளியிட்டுள்ளார். இது சமூக வலைதளங்களில் வைரலாகி வருகிறது.