விளையாட்டு
ஜஸ்பிரீத் பும்ரா

டெல்லியை பழிக்கு பழிவாங்கிய மும்பை - 4 ஆண்டுக்கு பிறகு நடந்த சுவாரசியம்

Update: 2022-05-21 22:44 GMT
நடப்பு ஐபிஎல் தொடரில் 14 ஆட்டங்களில் விளையாடிய மும்பை இந்தியன்ஸ் அணி 4 ஆட்டங்களில் வென்று 8 புள்ளிகளுடன் புள்ளிப் பட்டியலில் கடைசி இடம் பிடித்தது.
மும்பை:

மும்பையில் நேற்று நடைபெற்ற 69-வது லீக் ஆட்டத்தில் மும்பை இந்தியன்ஸ், டெல்லி கேப்பிட்டல்ஸ் அணிகள் மோதின. முதலில் பேட் செய்த டெல்லி அணி நிர்ணயிக்கப்பட்ட 20 ஓவரில் 7 விக்கெட்டுக்கு 159 ரன்கள் எடுத்தது.

அடுத்து ஆடிய மும்பை அணி 5 விக்கெட் இழப்புக்கு 160 ரன்கள் எடுத்து அபார வெற்றி பெற்றது. இது மும்பை அணி பெறும் 4-வது வெற்றி ஆகும்.

மும்பைஅணி வெற்றி பெற்றதால், டெல்லி அணி பிளே ஆப் சுற்றுக்குள் நுழையும் வாய்ப்பை இழந்து தொடரில் இருந்து வெளியேறியது.

ஏற்கனவே, கடந்த 2018-ம் ஆண்டு நடந்த ஐபிஎல் போட்டியில் டெல்லி அணி மும்பையை வென்றது. அப்போது ஐபிஎல் தொடரில் இருந்து மும்பை வெளியேறியது. டெல்லி அணி புள்ளிப் பட்டியலில் கடைசி இடம் பிடித்தது.

இதேபோல், 4 ஆண்டுக்குப் பிறகு மும்பை அணி டெல்லியை தோற்கடித்ததன் மூலம் ஐபிஎல் தொடரில் இருந்து டெல்லி வெளியேறியுள்ளது. மும்பை அணி புள்ளிப்பட்டியலில் கடைசி இடம் பிடித்துள்ளது.
Tags:    

Similar News