செய்திகள்
விமர்சனத்திற்கு பதிலடி கொடுத்த பேட் கம்மின்ஸ்: 7 பவுலர்களுடன் அசத்திய கொல்கத்தா அணி
முதல் ஆட்டத்தில் 3 ஓவரில் 49 ரன்கள் விட்டுக்கொடுத்து விமர்சனத்திற்கு உள்ளான பேட் கம்மின்ஸ், நேற்றைய ஆட்டத்தில் 19 ரன்கள் மட்டுமே விட்டுக் கொடுத்தார்.
கொல்கத்தா நைட் ரைடர்ஸ் அணிகள் வலுவான பேட்டிங் ஆர்டரையும், சிறந்த பந்து வீச்சு குழுவையும் கொண்டுள்ளது. ஆனால் மும்பை இந்தியன்ஸ் அணிக்கெதிரான ஆட்டத்தில் பந்து வீச்சு மற்றும் பேட்டிங் இரண்டிலும் சொதப்பியது. குறிப்பாக 15.5 கோடி ரூபாய்க்கு ஏலம் எடுக்கப்பட்ட பேட் கம்மின்ஸ் 3 ஓவரில் 49 ரன்கள் விட்டுக்கொடுத்து கடும் விமர்சனத்திற்கு உள்ளானார்.
இந்நிலையில் நேற்று நடைபெற்ற 2-வது நாள் ஆட்டத்தில் சன்ரைசர்ஸ் ஐதராபாத் அணிக்கெதிராக சிறப்பான ஆட்டத்தை வெளிப்படுத்தியது. குறிப்பாக பேட் கம்மின்ஸ் 4 ஓவரில் 19 ரன்கள் மட்டுமே விட்டுக் கொடுத்தார்.
மேலும், ஏழு பவுலர்களை கொண்டு கடும் நெருக்கடி கொடுத்தனர். இதனால் சன்ரைசர்ஸ் ஐதராபாத் அணியால் 20 ஓவரில் 4 விக்கெட் இழப்பிற்கு 142 ரன்கள் மட்டுமே அடித்தது.
சுனில் நரைன் 31 ரன்னும், ஷிவம் மவி 2 ஓவரில் 15 ரன்களும், குல்தீப் யாதவ் 2 ஓவரில் 15 ரன்களும், வருண் சக்ரவர்த்தி 4 ஓவரில் 25 ரன்களும், நாகர்கோட்டி 2 ஓவரில் 17 ரன்களும், அந்த்ரே ரஸல் 2 ஓவரில் 16 ரன்களும் விட்டுக்கொடுத்தனர்.
பின்னர் கொல்கத்தா 18 ஓவரில் 3 விக்கெட்டை மட்டுமே இழந்து இலக்கை எட்டியது.ஷுப்மான் கில் 70 ரன்களும், மோர்கன் 42 ரன்களும் எடுத்து ஆட்டமிழக்காமல் இருந்தனர்.